К. Б. Уразов, Н. У худайбердиев, М. М. Ибрагимов, Д. К. Уразов

9. Олинган қарзлар
а) молиявий фаолиятга доир пул чиқимига олиб келади
б) инвестиция фаолиятга доир пул чиқимига олиб келади
в) асосий фаолиятга доир пул чиқимига олиб келади
г) молиявий фаолиятга доир пул киримига олиб келади
10. Асосий воситалар харидига сарфланган пуллар
а) молиявий фаолиятга доир пул чиқимига олиб келади
б) инвестиция фаолиятга доир пул чиқимига олиб келади
в) асосий фаолиятга доир пул чиқимига олиб келади
г) молиявий фаолиятга доир пул киримига олиб келади
11. Иш ҳақи бўйича кредиторлик қарзларнинг ошиши
а) Пул киримини оширади
б) Пул киримини камайтиради
в) Пул оқимларига таъсир ўтказмайди
г) Молиявий ҳолатни яхшилайди


III-модул.


АУДИТ АСОСЛАРИ
XYI боб. Аудитнинг предмети ва методи
XYII боб. Аудитнинг ҳуқуқий ва ташкилий асослари


XYIII боб. Корхоналар молиявий-хўжалик фаолияти
аудитини ўтказишнинг методологик асослари

XIX боб. Аудиторлик текшируви натижаларини

умумлаштириш ва расмийлаштириш


I-БЎЛИМ.


БУХГАЛТЕРИЯ ҲИСОБИНИНГ НАЗАРИЙ АСОСЛАРИ




XYI БОБ. АУДИТНИНГ ПРЕДМЕТИ ВА МЕТОДИ
16.1.Аудит – тадбиркорлик асосида кўрсатиладиган профессионал хизматларнинг муҳим тури

Аудит профессионал хизматлар соҳасида тез ривожланиб бораётган тадбиркорлик фаолиятининг муҳим турларидан бири ҳисобланади.

Профессионал хизматлар - бу мазмун-моҳияти, бажариш техника ва технологияси, сифати ва бошқа тавсифлари бўйича махсус билим, амалий кўникма ва тажрибаларни талаб қилувчи, мос равишда, бундай талабларга жавоб берувчи малакали профессионал ходимлар томонидан кўрсатиладиган хизматлардир.
Аудитни профессионал хизматлар сирасига кириши негизида, авваламбор, “аудит” ва “аудитор” атамаларининг моҳияти ва аҳамияти ётади.
Ҳаракатдаги қонунларда, меъёрий хужжатларда, дарслик ва ўқув қўлланмаларида ушбу атамаларнинг моҳияти атрофлича ёритилган.