К. Б. Уразов, Н. У худайбердиев, М. М. Ибрагимов, Д. К. Уразов

Дебет 9110 “Сотилган тайёр маҳсулотнинг таннархи”
Кредит 2810 “Омбордаги тайёр маҳсулотлар”
Тайёр маҳсулот, товарлар, иш ва хизматларнинг мос равишдаги 9110,9120, 9130 счётларда акс эттирилган сотиш таннархи ҳисобот даври охирида 9910 “Охирги молиявий натижа” счётининг дебетига ўтказилади.
Сотилган маҳсулот (иш, хизмат)ларнинг таннархини счётларда акс эттириш тартиблари 13.2-жадвалда келтирилган.
13.2-жадвал
Сотиш таннархини счётларда акс эттириш тартилари

Т/р	Хўжалик муомалаларининг мазмуни	Счётларнинг боғланиши
		Дебет	Кредит
1	Сотилган тайёр маҳсулотларнинг таннархи	9110	2810 - 2830
2	Чиқиб кетаётган ҳайвонларнинг таннархи	9110	1110, 1120
3	Сотилган ўзида ишлаб чиқарилган ярим тайёр маҳсулотларнинг таннархи	9110	2110
4	Сотилган товарларнинг таннархи	9120	2910-2990
5	Асосий, ёрдамчи ишлаб чиқариш ва хизмат кўрсатувчи хўжалик цехларининг бажарган ишлари ва кўрсатган хизматларининг таннархи	9130	2010, 2310, 2710
6	Товар-моддий захираларни сотиб олиш (ТМЗни даврий ҳисобга олиш услулида)	9140	6010
7	Ҳисобот даврининг охирида инвентаризация натижалари бўйича ТМЗ счётлари бўйича қолдиқларга тузатишлар қилинди:
	а) асосий моддий захиралар:
	захираларнинг ўсиши;	1010-1090	9150
	захираларнинг камайиши;	9150	1010-1090
	б) тугалланмаган ишлаб чиқариш:
	ўсиш;	2010	9150
	камайиш;	9150	2010
	в) тайёр маҳсулот:
	захираларнинг ўсиши;	2810	9150
	захираларнинг камайиши;	9150	2810
	г) товарлар:
	захираларнинг ўсиши;	2910-2990	9150
	захираларнинг камайиши.	9150	2910-2990
8	Ҳисобот даврининг охирида 9140 "Даврий ҳисобда ТМЗ сотиб олиш/харид қилиш" счётининг ёпилиши	9910	9140
9	Ҳисобот даври охирида 9150 "Даврий ҳисобда ТМЗ бўйича тузатишлар" счётининг ёпилиши	9910 (9150)	9150 (9910)
10	Сотилган маҳсулот (иш, хизмат)ларнинг таннархини ҳисобга олувчи счётлар (9100)нинг ёпилиши	9910	9110, 9120, 9130

13.3.Давр харажатлари ҳисоби
21-сон БҲМС га мувофиқ давр харажатлари ҳисоби қуйидаги счётларда олиб борилади:

• 
  9410 “Сотиш харажатлари”- ушбу актив, вақтинчалик (транзит) счётнинг дебетида йил мабойнида сотишга доир харажатлар (реклама харажатлари, сотиш билан боғлиқ ходимларнинг иш ҳақи, ижтимоий суғуртага ажратмалар, амортизация харажатлари, транспортировка ва бошқа шу каби сотиш билан боғлиқ харажатлар) акс эттирилади. Ушбу счётда акс эттириладиган харажатларнинг аниқ турлари ва таркиби «Маҳсулот (иш, хизмат)ларни ишлаб чиқариш ва сотиш харажатлари ҳамда молиявий натижаларни шакллантириш тартиби тўғрисида Низом»нинг «Сотиш харажатлари» номли бўлимида тўлиғича келтирилган. Харажатларнинг аниқ турлари ушбу счётнинг дебетида ва бу харажатларни ифодаловчи счётларнинг кредитида (5110,5010,6710,6520,6990 ва бошқа счётлар) акс эттирилади. Йил охирида 9410- счётнинг дебетида тўпланган сумма унинг кредитига ва 9900 “Охирги молиявий натижа” счетининг дебетига ёзилади ва шу асосда у ёпилади.
  
• 
  9420 “Маъмурий-бошқарув харажатлари”- ушбу актив, вақтинчалик (транзит) счётнинг дебетида йил мабойнида бошқарувга доир харажатлар (иш ҳақи, ижтимоий суғуртага ажратмалар, амортизация харажатлари, сафар харажатлари, телефон алоқаси ва бошқа шу каби бошқарув билан боғлиқ харажатлар) акс эттирилади. Ушбу счётда акс эттириладиган харажатларнинг аниқ турлари ва таркиби «Маҳсулот (иш, хизмат)ларни ишлаб чиқариш ва сотиш харажатлари ҳамда молиявий натижаларни шакллантириш тартиби тўғрисида Низом»нинг «Маъмурий-бошқарув харажатлари» номли бўлимида тўлиғича келтирилган. Харажатларнинг аниқ турлари ушбу счётнинг дебетида ва бу харажатларни ифодаловчи счётларнинг кредитида (0200, 0500, 1000, 5110, 5010, 6710, 6520, 6990 ва бошқа счётлар) акс эттирилади. Йил охирида 9420 счётнинг дебетида тўпланган сумма унинг кредитига ва 9900 “Охирги молиявий натижа” счетининг дебетига ёзилади ва шу асосда у ёпилади.
  
•