К а р и м о в а. А., И с л о м о в ф. Р., А в л о қ у л о в а. З

22.3. Бандликка кўмаклашиш фондига
тўловлар ҳисоби
Ўзбекистон Республикасининг 1998 йил 1 майда 
қабул қилинган “Аҳолини иш билан таъминлаш тўғри- 
сида”ги қонунининг 21-моддасига мувофиқ аҳолини 
иш билан таъминлаш соҳасидаги давлат сиёсатини 
амалга ошириш чора-тадбирларини молиялаш ва меҳ- 
нат органларининг самарали фаолият кўрсатиши учун 
Бандликка кўмаклашиш фонди ташкил қилинди.
Бандликка ^кўмаклашиш фонди давлат мақсадли 
фонди бўлиб, Ўзбекистон Республикаси Вазирлар Маҳ- 
камаси томонидан белгиланадиган тартибда куйидаги­
лар ҳисобидан ҳосил этилади:
1. Корхоналар, муассасалар ва ташкилотларнинг меҳ- 
натга ҳақ тўлаш фондининг 1,5 фоизи микдоридаги 
мажбурий ажратмалари, бу харажатларни маҳсулот тан­
нархига қўшиш шарти билан;
2. Республика ва маҳаллий бюджетлар маблағларидан 
тегишли бюджетларни шакллантириш чоғида Ўзбекис- 
тон Республикаси Вазирлар Маҳкамаси ва маҳаллий 
давлат ҳокимияти органлари томонидан белгиланади­
ган микдордаги дотациялар;
3. Қонун ҳужжатларида назарда тутилган талаблар- 
ни бузганлик учун маҳаллий меҳнат ва аҳолини ижти­
моий ҳимоя қилиш органлари томонидан солинадиган 
жарима ва ҳисоблаб чиқиладиган пенялар суммаси;

---

4. Юридик ва жисмоний шахсларнинг қўшимча ва 
янги иш жойларини яратиш учун Бандликка кўмакла- 
шиш фонди маблағларидан шартнома асосида фойда- 
ланганидан келган даромадлар;
5. Жисмоний ва юридик шахсларнинг, шу жумла­
дан, чет эллик жисмоний ва юридик шахсларнинг их­
тиёрий бадаллари;
6. Қонун хужжатларига мувофиқ бошқа тушумлар.
Корхона, ташкилот ва муассасаларнинг бадаллари
ҳисобига вужудга келадиган Бандликка кўмаклашиш 
фонди маблағларининг 70 фоизи Қорақалпоғистон Рес­
публикаси, вилоятлар ва Тошкент шаҳрининг меҳнат 
бўйича органлари ихтиёрида қолса, қолган 30 фоизи 
республика миқёсида марказлаштирилади.
Бандликка кўмаклашиш фонди маблағлари куйида­
ги йўналишларга сарфланади:
1. Ишсизларни профессионал тайёрлаш, қайта тай­
ёрлаш ва малакасини ошириш вақгида туланадиган сти- 
пендияларга;
2. Жамоат ишларини бажаришни молиялаштиришга;
3. Ишсизларга нафақа беришга;
4. Бошқа йўналишларга.
Бандликка кўмаклашиш фонди маблағларини сарф­
лаш йўналишлари аҳолини иш билан таъминлаш бора- 
сидаги тегишли республика, ҳудудий ва бошқа махсус 
дастурларга мувофиқ белгиланади.
Бандликка кўмаклашиш фондига ажратмаларни 
ҳисобга олишда куйидаги ҳисобварақлардан фойдала­
нилади:
4520—“Давлат мақсадли фондларига бўнак тулов­
лари” ;
6520—“Давлат мақсадли фондларига тўловлар” .
4520—“Давлат мақсадли фондларига бўнак туловла­
ри” ҳисобварағида корхона ва ташкилотлар томонидан 
Бандликка кўмаклашиш фондига ҳисобот даврида ўтка- 
зиб берилган бўнак тўловлари ҳисобга олинади. Бу му­
омалага куйидагича проводка берилади:
Д-т 4520—“Давлат мақсадли фондларига бўнак 
туловлари”;
К-т 5110-“Ҳисоб-китоб счёти”.
6520—“Давлат мақсадли фондларига тўловлар” 
ҳисобварағида корхона ва ташкилотлар томонидан

---

Бандликка кўмаклашиш фондига туланадиган ажрат­
малар ҳақидаги маълумотлар умумлаштирилади. Банд­
ликка кўмаклашиш фондига ажратмалар ҳисобланга- 
нида куйидагича проводкалар берилади:
Капитал қўйилмалар бўйича тўловлар ҳисобланди: 
Д-т 0810—0890—“Капитал қўйилмалар”;
К-т 6520—“Давлат мақсадли фондларига тўловлар”. 
Харажатларга тегишли тўловлар ҳисобланди:
Д-т 2010, 2310, 2510, 9420;
К-т 6520—“Давлат мақсадли фондларига тўловлар”. 
Ҳисобот даври якунида Бандлик фондига илгари 
тўланган бўнак тўловлари якуний ҳисоб-китоб қилиш 
учун 6520—“Давлат мақсадли фондларига тўловлар” 
ҳисобварағига ўтказилади:
Д-т 6520—“Давлат мақсадли фондларига тўловлар” 
К-т 4520—“Давлат мақсадли фондларига бўнак 
тўловлари”.
Шундан сўнг Бандликка кўмаклашиш фондига 
бўлган қарз тўловлари ўтказиб берилади:
Д-т 6520—“Давлат мақсадли фондларига тўловлар”; 
К-т 5110—“Ҳисоб-китоб счёти”.