Jizzax politexnika instituti

Metodik kо’rsatmalar. “Tо’pni oldirma” о’yini о’quvchilarni basketbol va qо’l tо’pi о’yiniga tayyorlashga yordam beradi. U tо’pni о’ynashning maxsus usullarini bilishni talab qilmaydi, lekin о’yinchilarda raqib bilan tо’qnashganda tо’pni egallash malakalarini takomillashtiradi. Shu munosabat bilan о’ynovchilarning diqqatini о’yindagi barcha vaziyatlarga, onaboshilarni kuzatish va ularning harakatlarini hisobga olib, tо’p о’ynashga jalb etish zarur. Shuningdek, ularga о’rtoqlari bilan kelishib, birgalikda harakat qilishni va tо’pni bir-biriga aniq uzatishni о’rgatish lozim.

О’quvchilar tо’p о’ynashni ancha yaxshi о’rganib olganlaridan (tо’pni kamroq tushirib yuboradigan va aniq uzatadigan bо’lganlaridan) keyin bu о’yin qoidalarini murakkablashtirish tavsiya etiladi. Masalan, tо’pni qо’ldan tushirib yuborishni man qilish yoki tо’pni onaboshilarning yuqoriga kо’tarilgan qо’ullari tepasidan oshirib uloqtirishni о’yin qoidalariga kiritish mumkin.

О’yinni yana quyidagicha murakkablashtirsa bо’ladi. О’ynovchilar doyra bо’ylab yurish yoki yugurib bir-birlariga tо’p uzatadilar. Bunda qо’lida tо’p ushlagan о’yinchi kо’pi bilan ikki qadam bosib turib, uni о’z о’rtoqlaridan biriga uloqtirib yuborishi kerak. Tо’pni qо’ulida ushlab ikki qadamdan ortiq yurgan о’yinchi qoidani buzgan hisoblanadi va onaboshi bо’ladi.

О’yinning bu variantidan yuqori sinf о’quvchilari bilan о’tkaziladigan mashg’ulotlarda foydalaniladi va u о’quvchilarni basketbol о’yiniga tayyorlaydigan variant hisoblanadi.

“Tо’pni oldirma” о’yinini о’quvchilarga III sinfdan boshlab о’rgatish tavsiya etiladi, chunki bu yoshdagi о’quvchilar uchun tо’pni irg’itish va ilib olish texnikasini egallash uncha qiyin bо’lmaydi.