Jizzax politexnika instituti

“Chavandoz” yoki “Kichik uloq” о’yini

О’yinga tayyorlanish. О’yinning bu turi kо’kalamzor maydonda yoki sport zalida о’tkaziladi. О’yinda faqat о’g’il bolalar ishtirok etishlari mumkin. Ular soniga, jismoniy baquvatligiga qarab kamida tо’rt kishidan tashkil topgan ikki jamoaga bо’linadi. Bu maydonning bir chetiga 1,5 m doira chiziladi. Bu doira marra deb atalib, “uloqni” tashlash uchun belgilanadi. О’yin uchun oddiy qо’y yoki echki terisidan bо’yiga 40 sm» eniga 15-20 sm bо’lgan bolishcha “uloq” tikiladi. Teri topilmagan holatda matodan yoki eski kо’rpachadan yasasa ham bо’ladi.

О’yin tavsifi. О’yin boshlashdan oldin jamoalar maydon chetida saflanib turadilar, hakam yoki о’qituvchining hushtagi chalinishi bilan “uloq” maydon о’rtasiga tashlanadi. О’yinchilar kelishib, bir-birlarining orqasiga opichib olishadi va maydonga qarab “uloq”ni olish uchun yuguradilar. Haqiqiy kurash-tortishuv maydonda bо’lib, qaysi bir “chavandoz” birinchi bо’lib “uloq”ni marraga, ya’ni doirachaga olib kelib tashlasa, usha jamoa g’olib deb hisoblanadi. О’yin davom etadi, bu gal ham о’yin hakamning boshlashiga binoan kо’rsatilgan tartibda utadi. О’yin tugallangandan sо’ng о’yinchilar ichida ildam, chaqqon va kuchli “chavandoz”lar aniqlanib, g’oliblar rag’batlantiruvchi mukofotlar bilan taqdirlanishi lozim.

О’yinning pedagogik ahamiyati. О’yin о’ynovchilarda sezgirlikni, tez harakat qilishni, tezkorlikni, chaqqonlikni, kuchni tarbiyalashga yordam beradi. Shuningdek, о’yin harakatni о’zaro mosligini, har bir о’yin qatnashchisi jamoa oldiga qо’ygan vazifani bajarish hissiyotini rivojlantiradi. О’yinda о’ziga xos harakat - tez yugurish va uloqni tezda olishdir.