Jizzax politexnika instituti «qurilish materiallari va konstruksiyalari»

                        
4                                               
5 
7.2-rasm.Chiqindilaridan alternativ yoqilg‘i olish sxemasi. 1-dastlabki 
chiqindilar; 2-chiqindilarni 300 mm li o‘lchamgacha maydalash; 3-
chiqindilarni 30 mm gacha o‘lchamli yoqilg‘iga aylantirish; 4-o‘lchamlari 
80 mm gacha bo‘lgan qoldiqlar; 5-chiqindilarni o‘lchami 3 mm gacha 
bo‘lgan alternativ yoqilg‘iga aylantirish. 
 
   
Makulatura asosida olinadigan materiallar 
 
Makulatura  karton  va  qog‘oz  ishlab  chiqarishda  keng  qo‘llaniladi.  Bir  tonna 
makulaturadan 750 kg gacha qog‘oz tayyorlash mumkin. Qog‘oz va karton ishlab 
 
 
 
 
 

---

chiqarish sanoatida 1 t makulaturani ishlatish o‘rtacha 4 m
3
 gacha yog‘ochni tejash 
imkonini beradi. Yig‘iladigan makulaturaning o‘rtacha 70 % ko‘p qatlamli karton 
ishlab chiqarish uchun ishlatiladi. 
Kartonning  ko‘p  talab  qilinadigan  sohasi  tom  yopma  materiallaridir, 
jumladan  ruberoid ishlab  chiqarishda uning  katta qismi  qo‘llaniladi  GOST  4.229-
83,  GOST  23838-79).  Karton  ishlab  chiqarish  texnologiyasi  xom  ashyolarga 
oldindan  ishlov  berish,  ularni  tolalarga  ajratish  va  kerakli  tolasimon  massani 
tayyorlashdan  iborat  bo‘ladi.  Tayyorlangan  massa  maxsus  dastgohda  qoliplanadi, 
presslanadi, quritiladi va qirqilib o‘rama ko‘rinishda tayyorlanadi. 
Yuqori  sifatli  tom  kartonlarning  tarkibida  50  %  gacha  gazlama  tolalari, 
shuningdek, 5...10 % junsimon tolalar bo‘ladi. Tom kartonlari o‘rama shaklida, eni 
1000, 1025, 1050 mm li o‘lchamlarda ishlab chiqariladi. 
Ruberoid (O‘zRSt 1023-93) texnik kartonga oson eriydigan bitum shimdirilib, 
ikki  tomonidan  kukun  to‘ldiruvchi,  qiyin  eriydigan  bitum  va  maydalangan 
minerallar sepib tayyorlangan o‘rama materialdir. Ishlatilish joyiga qarab ruberoid 
tombop,  ostki  (P)  va  ustki  (K)  qatlamlarni  tayyorlash,  shuningdek,  qurilish 
konstruksiyalarini gidroizolyasiyalash kabi turlarga bo‘linadi. 
Ruberoid  sovuq  muhitda  ham  elastikligini  saqlab  qolishi  uchun  polimerlar 
bilan  modifikatsiyalangan  bitum  asosida  REM-350  markada  ishlab  chiqariladi. 
Ushbu markadagi ruberoid -50 
0
C da ham elastikligini yo‘qotmaydi. 
Ruberoidlarning eni 1000, 1025, 1050 mm, yuzasi 5, 7, 10 va 15 m
2
 bo‘ladi. 
Hozirgi  paytda  ruberoidning  pastki  tomoni  qalin  qoplamali  hili  tom 
gidroizolyasiyasida bevosita asosga bitumli mastikalarsiz yopishtiriladi. 
Pergamin  (GOST  2697-83)  oddiy  o‘rama  material  bo‘lib,  texnik  kartonga 
yumshash  harorati40 
0
S  gacha  bo‘lgan  bitum  eritmasini  shimdirib  olinadi. 
Pergamin  ruberoiddan  farqli  o‘laroq,  qoplama  bitum  qatlami  va  sepmaga  ega 
bo‘ladi.  Pergamin  tom  yopmasida  ruberoidning  quyi  qatlamiga  qo‘yiladi, 
shuningdek, bug‘dan himoyalash uchun ishlatiladi. 
Pergamin  P-300  va  P-350  markalarda  o‘rama  shaklida  ishlab  chiqariladi. 
To‘shamaning eni 1000, 1025 va 1050 mm, yuzasi 20 yoki 40 m
2
 bo‘ladi. 
Tol  texnik  kartonga  qatron  shimdirilib,  ikki  tomonidan  qatron  va  qum  yoki 
mineral  kukun  sepilib  olingan  o‘rama  materialdir.  Yirik  mineral  sepmali  tol  tekis 
tomlar  gidroizolyasiya  qatlamining  ustki  qismiga,  qum  sepmali  tol  esa  bino  va 
inshootlarning  poydevori  hamda  boshqa  qismlari,  vaqtinchalik  inshootlarning 
tomini gidroizolyasiyalash uchun ishlatiladi. 
To‘lqinli  bitum-kartonli  “onudilin”varaqlar  o‘lchami  1000x2000mm, 
qalinligi  3  mm  bo‘lgan  elastik  (og‘irligi  6  kg)  qilib  ishlab  chiqariladi.  Varaqlar 
to‘lqinsimon  kartonga  bitum  shimdirilib  va  yuza  qismi  tashqi  muhitga  chidamli 

---