Jizzax politexnika instituti akademik litseyi

Bazarov B.T. - katta o’qitiuvchi (JizPI)

So’zboshi

Milliy dasturning eng muhim xususiyatlaridan biri, xorijiy tillarni puxta egallaydigan, O’zbekistonimizning xalqaro andozalardagi taraqqiyotini ta'minlay oladigan, dadil, mustaqil fikrlaydigan, malakali, bilimli va ma'nan boy kadrlarni tayyorlashdan iborat.

So’nggi yillarda mamlakatimizda ta’lim sohasini rivojlantirish, ayniqsa, chet tillarni o’rganish va o’qitishning kompleks tizimini shakllantirish borasida ko’plab chora-tadbirlar amalga oshirilmoqda.

Mazkur vazifalarning asosiy maqsadi zamonaviy pedagogik va axborot kommunikatsiya texnologiyalaridan foydalangan holda o’qitishning ilg’or uslublarini joriy etish yo’li bilan o’sib kelayotgan yosh avlodni chet tillarini o’qitish, shu tillarda ravon so’zlasha oladigan mutaxassislarni tayyorlash tizimini tubdan takomillashtirishdan iboratdir.

Jahonga yuz tutayotgan hamda jahon hamjamiyatida o’z o’rniga ega bo’lib borayotgan mamlakatimiz yoshlari kelgusida mamlakatimiz nufuzini yanada oshirishlari, shuningdek, ilm-fan sohasidagi yutuqlardan samarali foydalana olishlari va jahon intellektual mulkidan doimiy ravishda boxabar bo’lib turishlari uchun ham chet tillardan birini, ayniqsa ingliz tilini yanada yaxshiroq va puxta egallashlari lozimligi 2021-yil 6-may kuni O’zbekiston Respublikasi Prezidenti Shavkat Mirziyoyev raisligida chet tillarni o’qitishni takomillashtirishga bag’ishlangan videoselektorda bildirilgan fikr-mulohazalarda ham o’z aksini topgan.

O'quv qo’llanma texnika oliy o’quv yurtlarida hamda akademik litsiylarda texnika yo’nalishida tahsil olayotgan talabalarga mo'ljallangan bo’lib, mazkur o’quv materiallari talabalar bilim, tafakkur doiralarini kengaytirishda, malaka hamda ko'nikmalarini oshirishda, pirovardida ingliz tilini chuqurroq o'zlashtirishlarida qo'l keladi.

Mualliflar