Jizzax filiali amaliyotchining kundaligi

Malakaviy amaliyot kundalik daftarini yuritish va hisobotni tuzish bo’yicha
YO’RIQNOMA
1. Talabaning kundalik daftari malakaviy amaliyot to’g’risidagi asosiy hujjat hisoblanadi.
2. Kundalik daftarga amaliyot dasturi bo’yicha har kuni bajarilgan ishlar ketma – ket yozib boriladi.
Malakaviy amaliyot davrida kundalikka: amaliyot dasturiga asosan ish turi, berilgan ishning darajasi va hajmi uning foiz hisobida bajarilganligi, bajarilgan ishning hajmi, shu bilan bir qatorda, olib borilgan ekskursiyalari, mustaqil o’rganilgan va bajarilgan ishlar yoziladi.
3. Amaliyot davrida yuzaga kelgan qiyinchiliklar va ularni bartaraf qilish uchun qo’llanilgan tadbirlar, tashkiliy ishlardagi kamchiliklar hamda ularni yaxshilash to’g’risidagi takliflar ko’rsatilishi kerak.
4. Amaliyot rahbarlari talabaning faoliyati, kamchilik va yutuqlarini, o’zlarining xulosalarida yoritib, kundalikda qayd etadi.
5. Talaba amaliyot yakunida kundalikga hisobotni ilova silinadi va ta’lim muassasasidagi tayinlangan rahbariga topshiradi.
6. Hisobot ishi malakaviy amaliyot dasturiga asosan tuzilgan bo’lishi shart.
AMALIYOT DAVRIDA TALABANING VAZIFASI

• 
  Amaliyot dasturiga binoan topshiriqni to’liq bajarish.
  
• 
  Korxona va tashkilotlarning ichki mehnat intizomiga rioya qilish.
  
• 
  Mehnat muhofazasi qonunlari va texnika (elektr, yong’in, yo’l harakatini) xavfsizligiga hamda ishlab chiqarish sanitariya qonun qoidalariga qat’iy itoat qilish. Belgilangan tartib bo’yicha ta’lim muassasasi va ishlab chiqarish korxonalarida texnik va mehnat xavfsizligiga oid tashkillashtirilgan ishlarda ishtirok etish va sinovlardan o’tganligini rasmiylashtirish.
  
• 
  Amaliyot davrida bajarilayotgan ish va uning natijalariga javobgarlikni sezish.
  
• 
  Amaliyot dasturida ko’rsatilgan topshiriqlarga yozma shaklda javob tayyorlash, hisobotni rasmiylashtirish.
  
• 
  Korxona va tashkilotlarda amaliyot o’tayotgan talabani ichki mehnat intizomini buzmaslik, buning uchun korxona yoki tashkilot buyrug’i bilan jazolanishi mumkinligini bilish.