Jizzax Davlat pedagogika institutining Pedagogika psixologiya fakulteti, Pedagogika psixologiya yo’nalishi IV kurs talabasi Haqberdiyeva Sarvinozning “Kichik

Taqrizchi

Jizzax shaxar 17-o'rta maktab direktori: B.Ibodov

Jizzax Davlat pedagogika institutining Pedagogika - psixologiya fakulteti, Pedagogika - psixologiya yo’nalishi IV - kurs talabasi Haqberdiyeva Sarvinozning “Kichik maktab yoshi davrida o'quvchilarda bilish jarayonlarining rivojlanishi” mavzusida yozgan bitiruv malakaviy ishiga

T A Q R I Z

Kichik maktab yoshidagi o’quvchida mustaqil irodaviy faoliyatga nisbatan bo’lgan tayyorlik bilan xatti-harakatlarning mavjud vaziyatga yoki bevosita ichki kechinmalarga bog’liqligi o’rtasida ziddiyat mavjuddir o’smirlarda esa eng kuchli ziddiyatlar bir tomondan, uning o’ziga, o’zi baho berishi va o’z talablari darajasi va ikkinchi tomondan, atrofdagilarning unga nisbatan bo’lgan munosabatlari haqidagi ichki kechinmasi o’rtasida. Shuningdek, o’zining jamoadagi real mavqyei to’g’risidagi ichki kechinmasi o’qishsada, katta odamlar hayotida to’la huquqli a’zo sifatida qatnashishi ehtiyoji bilan bunga o’z imkoniyatlarining mos kelmasligi o’rtasida paydo bo’ladi.

Ko’rsatilgan barcha ziddiyatlar birmuncha yuqori darajadagi psixik faoliyatlarni tarkib toptirish orqali bartaraf qilinadi. Natijada bola psixik rivojlanishning yanada yuksakroq bosqichiga ko’tariladi. Ehtiyoj qondiriladi - ziddiyat yo’qoladi. Biroq qondirilgan ehtiyoj, yangi ehtiyojni tug’diradi. Bu ziddiyat boshqa bir ziddiyat bilan almashinadi, taraqqiyot davom etadi.

Bitiruv malakaviy ishning kirish qismida uning dolzarbligi, metodologik asoslari, maqsadi, ilmiy vazifasi haqida to’xtalgan.

Ishning birinchi bobi kichik maktab yoshi davrida psixik rivojlanish va ta’lim uyg’unligining nazariy asoslari, deb nomlanib, unda Kichik maktab yoshi davrida psixik rivojlanish va ta’limning o’zaro munosabati, Kichik maktab yoshi davrida ta’lim va tarbiya psixologiyasining samaradorligini oshirish mexanizmlari va ularning nazariy ahamiyati haqida batafsil ma’lumot berilgan.

Tadqiqotning ikkinchi bobida o’quvchilarning psixologik rivojlanish xususiyatlarining mazmuni va mohiyati deb nomlanib, unda Kichik maktab yoshidagi bolalar psixologiyasining xususiyatlari, Kichik maktab yoshi davrida o'quvchilarda bilish jarayonlarining rivojlanishilarini o’quv-tarbiyaviy jarayoniga tadbiq etish haqida yoritib berilgan.

Muallif tomonidan bajarilgan ishning dolzarbligi yana shu bilan xarakterlanadiki, mavzu dorasida ushbu dolzarb psixologik muammoning tahlil qilinganligi, bitiruv malakaviy ishning xulosa va tavsiyalaridan, muallifning shaxsiy mulohozalaridan psixologlar, maktab o’qituvchilari tomonidan talabalar, o’quvchilar orasida olib boriladigan psixologik yo’nalishdagi tadbirlarda, foydalanish mumkin.

Ish muhim dolzarb masalaga bag’ishlangan. Ishda amaliy ahamiyatga molik bo’lgan adabiyotlardan olingan manbalardan keng foydalanilgan.

Haqberdiyeva Sarvinoz ishni mustaqil bajargan hamda bitiruv malakaviy ishlarga qo’yiladigan talablarga javob beradi.

Bitiruv malakaviy ishni himoyaga tavsiya qilaman.