Jizzax Davlat Pedagogika instituti

Jizzax Davlat Pedagogika instituti

Institut sobiq SSSR Ministrlar sovetininng 26.07.1974 yil №605 qaroriga asosan tashkil etilgan.

Xalq deputati Sirdaryo(hozirgi Jizzax) viloyat sovetining ijroiya komiteti 21.12.1989 yil №451/27-sonli qaroriga muvofiq unga Abdulla Qodiriy nomi berilgan.

Institut o'z faoliyati davomida viloyatimiz, respublikamiz ta'lim tizimiga malakali pedagoglar va ilmiy xodimlar tayyorlab bermoqda. Institutni muvoffaqiyatli tamomlagan sobiq talabalar orasida ko'plab olimlar, xizmat ko'rsatgan o'qituvchilar viloyat, tuman talim tizimining rahbarlari yetishib chiqdi. Institut xalq xo'jaligining turli sohalariga, halq talimi tizimiga kasb-hunar kollejlari, akademik listeylar, davlat boshqaruvi tizimiga ko'plab mutaxassislar yetkazib bermoqda.

Institutda hozirgi kunda 19 ta kunduzgi ta’lim yo’nalishlari bo’yicha bakalavrlar tayyorlanmoqda.10 ta fakultet (shu jumladan Malaka oshirish va qayta tayyorlash fakulteti) va 28 kafedra faoliyat ko’rsatmoqda. Bakalavr bo’yicha 6276 ta talabalar tahsil olmoqda. Ularga 456 tadan ziyod professor-o’qituvchilar jumladan, 15 nafar professor va fan doktori, 138 nafar dosent va fan nomzodlari tahsil bermoqda. Institutda hozirgi kunda 28 ta kafedra, 36 ta o’quv laboratoriyasi, 20 ta ixtisoslashgan kabinet, 20 ta xona hozirgi zamon kompyuterlari bilan jixozlangan, 4 ta lingafon kabinet, 4 ta o’quv korpusi, 1 ta 400 o’rinli yotoqxona, Ma’naviyat markazi, Ma’daniyat saroyi, 3 ta majlislar zali, 50 dan ziyod fan to’garaklari, 1 ta futbol maydoni, 2 ta voleybol, 2 ta basketbol, 2 ta qo’l to’pi, 2 ta mini futbol maydonchalari, 1 ta ochiq suv havzasi, 1 ta gimnastika maydonchasi, 2 ta zamonaviy standartga javob beradigan yopiq sport zali, Axborot resurs markazi, 4 ta o’quv zallari, “Bobur”nomli sport sog’lomlashtirish oromgohi,

5 ta ovqatlanish shahobchasi faoliyat ko’rsatib kelmoqda.

Abiturient ta'lim muassasasi qabul kommisiyasiga quydagi hujjatlarni topshiradi

Abiturient ta’lim muassasasi qabul komissiyasiga quyidagi hujjatlarni topshiradi:

• ta’lim yo‘nalishi, o‘qitish tili va shakli ko‘rsatilgan holdagi ariza;

• o‘rta yoki o‘rta maxsus ma’lumot haqidagi hujjatning asl nusxasi;

• 086/U-shakldagi tibbiy ma’lumotnoma;

• fuqarolik pasporti nusxasi;

• 3,5x4,5 sm o'lchamdagi 6 dona fotosurat;

Bundan tashqari abiturient qabul komissiyasiga pasport va harbiy xizmatga aloqadorligi haqidagi hujjatini shaxsan ko‘rsatadi.

Xalqaro va respublika olimpiadalari, tanlovlar va musobaqa g‘oliblari o‘qishga tanlovsiz kirish huquqini beruvchi hujjatning asl nusxasini ham taqdim etadi.

Muddatli harbiy xizmatni o‘tagan va harbiy qism tavsiyanomasiga ega bo‘lgan abiturientlar tegishli tavsiyanomani ta’lim muassasasi qabul komissiyasiga 20 iyulgacha taqdim etishlari shart aks holda undan keyin topshirilgan tavsiyanomalar qabul qilinmaydi.

Abiturient hujjatlarining to‘liqligi tekshirilgandan so‘ng web kamera orqali suratga tushiriladi va hujjatlari qabul qilinadi. Suratga tushirish uchun alohida burchak yoki xonalar tashkil etiladi. Ushbu surat abiturientlar bazasiga kiritiladi va DTMga yuboriladi. Suratga tushmagan abiturientning hujjatlari qabul qilinmaydi.

Abiturientlar tomonidan qayd etilgan talablar bajarilganda ularning hujjatlarini qabul qilib olinadi va qabul qilinganligi to‘g‘risida tilxat beriladi.

Ma'lumot uchun:

Vazirlik va idora nomi: O'zbekiston Respublikasi Xalq Ta'limi Vazirligi

OTMning to'liq nomi: A.Qodiriy nomli Jizzax Davlat Pedagogika Instituti

Manzilning to'liq nomi: Jizzax sh., Sh.Rashidov shoh ko'chasi, 4 uy

Pochta indeksi: 130100

SIte: www.jspi.uz

E-mail: [e-mail]

Telefon: [phone]

Faks: 8-[phone]

Bank rekvizitlari: 20203000900531119002

Tashkil topgan yili: 1974 yil

Umumiy maydoni: 101766 m.kv.

O'quv maydoni: 9980 m.kv.

Yotoqxona maydoni: 9100 m.kv.

Fakultetlar soni: 10

Kafedralar soni: 28