Жиззах вилояти Шароф рашидов туман Зарафшон қарашли Эски Тошкентлик

Жиззах вилояти Шароф рашидов туман
Зарафшон қарашли Эски Тошкентлик
маҳалла раиси Саидов Ж.Х га Бойгузар
кўчаси 1-уйда яшовчи 2-гурух ногирони
Содиқов Рисқи томонидан

АРИЗА
Ушбу аризамни шу мазмунда ёзиб маьлум қиламанки, мен 1941-йилда туғилганман. Бир неча йиллардан бери пулмонология бўлимида нафас қисиш касаллиги билан оғриб жуда ҳам қийналиб нафас оламан, айниқса кеч бўлганида. Кардиология бўйича ҳар ойда даволанаман. Республика Онкология Илмий Марказида учётда туриб, простата бези саратони ташҳисида ҳар 1 ойда бориб даволаниш учун ҳар хил дори-дармонлар ёздириб келаман. Бу касалликлар камлик қилгандай 2020-йилдан бошлаб икки оёғим тиззадан юқори сон суяк қисми емирилиш касаллигига дучор бўлдим. Бу касалликни тузатиш учун бир неча даволаниш бўлимларида даволандим, ҳеч бир натижа бўлмади. Жумладан, Жиззах Онкология ва Радиология шифохонасида, Жиззах вилоят кўп тармоқли тиббиёт марказида даволандим, Жиззах вилоятидаги фтизария ва пулмонологияни хирургия бўлимида, Жиззах шахар “Абдулла ота” хусусий тиббий диагностика марказида даволандим. Самарқанддаги травматология ва ортопедия шифохонаси невротравма бўлимида ётиб даволандим, лекин ҳеч бири натижа бермади. Касаллигим оғирлашди, лекин яхши бўлмади. Юришга ҳам жуда қийналиб қўлтиқ таёқ ёки иккита ҳассада юрмоқдаман. Ҳеч бир ётган жойимда касаллигим бўйича аниқ ташҳис қўя олишмади. Ҳозирги кунда соғлигимни яхши эмаслиги, соғлигимни тиклаш учун олдинги даволанган жойларимда жуда кўп дори-дармонлар, осма уколлар олиб, кўп харажатлар қилиб ўзимнинг моддий аҳволим жуда ҳам оғир аҳволга тушиб қолди.

Мен Тошкент шахридаги Травматология ва Ортопедия илмий-амалий тиббиёт маркази Вертебралогия, Ортопедия бўлимларида менга касаллик диагнози: умуртқа поғонаси бел қисми остехондрози остепорози икки томонлама идсопсетик кун сартроз III-IV-даражаси, ўнг сон суяги бошчаси осептик неврози, оғриқли синдром билан диагнозни тўғри қўйишди. Бу касалликни даволаш учун мени ўнг сон суякни бошчаси чет давлатда тайёрланган мосламасини ишлаб чиқарилганини қўйиш керак экан. Бунинг учун менга жаррохлик амалиётини ўтказилиши мумкинлиги учун соғлигимни тиклашда моддий аҳволим яхши эмаслиги сабабли сиз азизлардан нажот сўраб жаррохлик амалиёти учун чет давлатда тайёрланган мосламани 25 000 000 (йигирма беш миллион) сўмга олишга имкони борича ёрдам беришларингизни илтимос қилиб сўрайман.
Сизларга Аллохдан узоқ умр, соғлик-саломатлик тилайман. Мустақил Ватанимизнинг эли соғлиги йўлида бажараётган савобли ишларингизда Аллохдан куч-қувват тилайман.
10.12.2021 й. Содиқов Рисқи бобо
Тел: [phone]