Жиззах вилояти прокурорига «Жиззах Ўғит Сервис»

Жиззах вилояти прокурорига
«Жиззах Ўғит Сервис» МЧЖ раҳбари Жиззах шаҳар Халқабот маҳалласи А.Cалимов кўчаси 7 – уйда яшовчи фуқаро Аллаёрова Зиёда томонидан
Тел: [phone]
АРИЗА
Аризамнинг мазмуни шундан иборатки муҳтарам президентимиз Шавкар Мирзиёев айтганларидек “Тадбиркорларга кенг йўл очиб бериш сиёсатини давом эттирамиз”. “Тадбиркорларнинг йўлига тўсиқ бўлишни давлат сиёсатига хиёнат деб қабул қиламиз” деган эдилар.
Бундан ташқари Муҳтарам Юртбошимиз икки иш ўрни яратган тадбиркорни елкамда кўтараман деганлар
Мен Мирзачўл тумани, Пахтазор ШФЙ даги кўп қаватли уйлар ҳудудидан умумий фойдаланиш учун тандирхона ва ҳожатхона қурушга ер майдони ажратиш тўғрисидаги Ўзбекистон Республикаси Президентининг 2021 – йил 2 – апрелдаги “Обод қишлоқ” ва “Обод маҳалла” дастурини амалга ошириш бўйича қўшимча жора тадбирлар тўғрисидаги ПҚ – 5048 – сонли қарорини ижросини таминлаш мақсадида Ўзбекистон Республикаси “Маҳаллий давлат ҳокимияти тўғрисида” ги Қонуннинг 6,25 – моддаларига “Ер кодекси” нинг 20- ва 23 – моддаларига асосланинг 09.04.2021 – йилдаги Мирзачўл тумани ҳокимлиги № 193 – сонли қарорини чиқарим ҳоким ўринбосари Ф.Рахматов қолимга берган эди.
Мен “Жиззах Ўғит Сервис” МЧЖ раҳбари № 193 – сонли қарорига асосланинг ўзимни Мирзачўл тумани Пахтакор кўчасида жойлашган “Шлака блок” ишлаб чиқариш сехим борлиги учун ҳали маҳаллий буджетдан пул ажратмасада, ҳозирги кунда 6 дона тандирхоналаримни битқазиб қўйган жойимда Мирзачўл туман ҳокими мовини Хасан, Мирзачўл туман ҳокими Шерзод Ахмедов топшириғига асосан мен ҳозирги барпо этиб бўлган тандирхоналарни ноқонуний қургансан сенга ҳеч қандай қарор чиқарилмаган деб қурилган тандирхона олдида мени ва 15 нафар ишчимни бақир-чақир қилиб олдига солиб ҳайдади. Ахир менинг қўлимда туман ҳокими томонидан 09.04.2021 йил санасидаги №93 – сонли қарор бўлса, мен ушбу қарорга асосан ўз маблағларим ҳисобидан 23.04.2021 йилдаги №19 - сонли ҳудудий элеcтор тармоқлари корхонаси АЖ томонидан берилган техник шартни ва Жиззах вилоят Қурилиш бош бошқармаси томонидан 26.04.2021-йилдаги №1708-1708223-18057-сонли архитектура режалаштириш топшириқларини олиб менга қарор қилиб чиқарилган ер майдонида қурилиш ишларини бошлаб юбордим.
Ушбу ишларни бошлашда туман бош архитектори Мансур ака “Давлат хизматлари маркази” раҳбари Илҳом ака, туман ҳокими ўринбосари Фурқатлар келиб менга ер майдонини ажратиб кўрсатиб беришгандан кейинқурилишни бошлаганман.
Собиқ Мирзачўл туман ҳокими К.Холмуродов мени 2020-йилнинг ноябир ойида хонасига чақириб “опа Пахтазор ШФЙ да 6 та ва 6 та тандирхона иншоатини қуриб беринг” дедилар мен рози бўлдим, фақат пулини буджетга пул тушганда бераман дедилар, мен рози бўлдим ва ноябир ойида Пахтазор ШФЙ га ўзим ишлаб чиқараётган “Шлака булок” маҳсулотидан 20.000 (йигирма минг) дона обариб қўйдим.
Шундан сўнг туман ҳокими Комилжон Ҳолмуродов Жиззах шаҳар ҳокими лавозимига ишга кетди бу орада Мирзачўл туманига Ш.Ахмедов ҳоким бўлиб келди. У киши келганларидан сўнг орадан 20 кунлар ўтгандан кейин ҳокимни қабулига кирдимда “Шерзоджон мен Пахтазор ШФЙ да тандирхона ва ҳожатхона қуриш учун 20.000 (йигирма минг) дона ғишт тушуриб қўйган эдим олдинги ҳоким менга қуринг деб айтган эдилар” дедим. Шунда ҳоким “опа нима муаммо бўлябди, бошлаган бўлсангиз қураверинг қарор чиқариб бераман” деди ва ушбу №193 қарорни чиқариб ижросини ҳоним мовини Ф Рахматов зиммасига юклади. Мен тандирхона қурилишини бошладим.
Ишни бошлаганимдан кейин 2019 – 2020 – йилларда туманнинг Тошкент ҚФЙ худудида ўз ҳисобимдан 621.445 (олти юз йигирма бир минг тўрт юз қирқ беш) сўмлик 5 дона тандирхона 5 дона ҳожатхона ўз ҳисобимдан қуриб битқазиб топширган эдим.
250.000.000 сўм пул маблағи хисобидан қолган менга 100.000.000 сўм тўлаб берилсин деб 2021 – йилнинг феврал ойида фармойиш чиқариб берган экан. Ҳокимиятнинг ҳисобчиси Ойбекнинг олдига кирсам 104.000.000 қилиб берсин ҳокимга айтинг дедим бўлмаса дакументингиз чалкам бўлади деди. Шунда мен фармойишни олиб ҳокимни қабулига кирай десам элёр катта қабул қилмас эканлар вақтлари йўқ эканлар деди. Ҳа деб турсам ҳоким қабулхонага чиқиб “мен айтдимку қабул қилмайман деб нимага турибсиз” деб менга қаттиқ гапирди “Хасанга учрашинг ҳадеб мени безовта қилаверманг мени сиздан бошқа ишим йўқми” деди ҳоким Шерзод Ахмедов.
Шунда Шерзоднинг олдига кирасам Хасан менга қаттиқ овозда “нима қиласиз каттанинг жахлини чиқариб” деди Хасанни олди вилоятдан кеган фуқарорлар бор эди “шунда мен нима қилдим каттани жахлини чиқариб тадбиркорларнинг ҳаққи ёқми ҳокимни ҳузурига киришга” дедимда вилоятдан келган фуқароларнинг олдида изза бўлиб Хасаннинг хонасидан йиғлаб чиқиб кетдим. Уйга келганимдан кейин қон босимим 200 дан ошиб кетибди. Эртаси куни эрталаб ҳокимни телефонига хабар жўнатдим шундан кейин мени котиб орқали чақиртирди Хасан билан иккаламиз ҳокимни олдига кирдик “Зиёда опа менга ҳар хил ҳабарлар юбордингиз” деди “нега ҳабар юбормеман ахир кеча вилоятдан келган фуқарорларнинг олдида Хасан нега каттани жахлини чиқардингиз деб изза қилди мен сизнинг жахлингизни чиқарадиган нима иш қилдим” дедим. Қабулингизга қабул қилмадингиз ва ҳоҳламадингиз шуни учун сизга ҳабар ёздим. Ана энди ҳаммаси шундан кейин бошаланди яна мен ҳокимни олдига келдим Шерзод Ахмедов мени қабул қилмади котиби элдо кириб чиқтида “Зиёда опа узур каттанинг сиз билан гаплашишга вақлари ёқ экан”деди қабулхонада бир нечта фуқаролар олдида изза бўлиб кўзимдан тирқираб ёш олиб чиқиб кетаман.
Мен жамиятимизга фойдаси тегадиган аёл тадбиркорманку Мирзачўл туманида 3 та фермам фаолият кўрсатиб турибдику:
1 – “Фаркимётранс” МЧЖ бу ягона солиқда
2 – “Мирзачўл олтингугурт” МЧЖ 15% соиз ҚҚС да
3 – “Жиззах ўғит сервис” МЧЖ 15% ҚҚС да
Мирзачўл туман солиғига 6 ой мобайнида 53.817.000 сўм солиқ 25.000.000 ер ва мулк солиғИ жамжи 78.817.000 сўм солиққа хиссамни қўшиб қўйган бўсам 35 нафар фуқарони доимий иш билан таминлаб қўйган бўсам. Туманни эхпорт салоҳиятига ўз ҳиссамни қўшиб қўйган бўлсам мана Шерзод Ахмедовни Мирзачўл туман ҳокими бўлиб келганларига 5 ой бўлган бўлса ҳали бир маротаба ҳам бизни олтингугурт ишлаб чиқариш сехимизга ташриф буйирганлари йўқ, ҳол аҳвол сораганлари йўқ. Бу инсонни ким бизни туманимизга ҳоким қилиб сайлаган тушунмадим.
Мен Пахтазор ҚФЙ кўп қаватли дўмлар олдидаги тандирхона ва ҳожатхоналаримни битқазганимда Пахтазор ШФЙ ширкати бошлиғи Насибахон келиб 15 та ишчимни олдига солиб ҳақаротлаб қувди. Шу билан бу Насибахон мени ишчиларимни иккинчи маротоба ёмон сўзлар билан ҳақаротлаб қувиши. Ўзи ширкат бошлиғи бўлса нима ҳаққи бор мени ишчиларимни ҳақаротлашга. Бу аёлни ким ширкат бошлиғи қилди бу аёл қамалиб келган экан ҳозирги кунда бу инсонни қиз фарзанди ўғирлик билан қамоқда экан. Бунақанги оғзи шалоба аёлни ширкат бошлиғи бўлишга ҳаққи бормикан. Эртаси куни ўзим бордим ишчиларим иш ўрнида ишлаб турганида ҳоким мовини Хасан келиб бу ердан сен қурилиш қилмайсан, сени ноқонуний қурган қурилишинга пул бермайман деди. Хасан бу нима қилганингиз десам Шерзод Ахмедов айтди “чиқариб юбор қурган тандирхонасини буздириб ташла бошқа ферма қуради” деди. Нега энди туман ҳокими Шерзод Ахмедов мени тадбиркорлик фаолиятимни бир бўлагига чек қўймоқчи. Қани ҳақиқат, қани тадбиркорларга бўлган адолат.
Юқорида келтириб ўтган ҳолатларни тўлиқ ва ҳолисона ўрганиб чиқишингизни Мирзачўл туман ҳокими Ш.Ахмедов ва ҳоким мовини Хасан Пахтазор ШФЙ ширкат бошқарувчиси Насибахонларга нисбатан ваколатингиз доирасида уларни ҳатти ҳаракатлари юзасидан қонуний чора кўришингизни ҳамда менинг тадбиркорлик фаолиятимга тўсқинлик қилаётган ушбу мутасадди раҳбарларга чора кўриб мен аёл тадбиркорни қўллаб қувватлайсиз деган мақсадда сизга мурожат қилмоқдаман.

“Жиззах ўғит сервис”

МЧЖ раҳбари: Аллаёрова Зиёда Ҳолбековна