Jismoniy tarbiya gigiyenasi va sportning tibbiy-fiziologik asoslari

Ayrim sport turlari va shug‘ullanish gigiyenasi ta’minoti mavzusidan nazorat savollari
1. Gimnastika zallariga qanday gigiyena talablar qo‘yiladi?
2. Yengil atletika manejlariga qo‘yiladigan gigiyena talablar?
3. Suzish suv havzalariga qo‘yiladigan gigiyena talablar?
4. Boks arenalarining yoritilishiga qo‘yiladigan gigiyena talablar?
5. Basketbol uchun mo‘ljallangan spot zallariga qo‘yiladigan gigiyena talablar?
6. Kurash zallarining havolantirilishiga qo‘yiladigan gigiyena talablar?
7. Stadionlarning yoritilishi bo‘lgan gigiyena talablar?
8. Og‘ir atletikachilarning ovqatlanish rasioni qanday?
9. Chang‘i sporti bilan shug‘ullanishga qachon ruxsat etilmaydi?
10. Turistik sayr vaqtida ovqatlanish rasioni qanday bo‘ladi?
VIII. BOB. bo‘yicha qo‘llaniladigan pеdagogik tеxnologiyalar
“Bumerang” texnologiyasi
Bu tеhnologiya talabalarni dars jarayonida, darsdan tashqari turli adabiyotlar, matnlar bilan ishlash, o‘rganilgan matеrialni yodida saqlab qolish, so‘zlab bеrish, fikrni erkin holda bayon eta olish, qisqa vaqt ichida ko‘p ma’lumotga ega bo‘lish, dars davomida barcha talabalarni baholashga qaratilgan.
Mashg‘ulotni o‘tkazish tartibi
Berilgan matnlar talabalar tomonidan yakka tartibda mustaqil o‘zlashtiriladi. Har bir guruh a’zolaridan yangi guruh tashkil etiladi. Yangi guruh a’zolarining har biri guruh ichida navbati bilan mustaqil axborot almashadilar, ya’ni bir-birlariga so‘zlab beradilar, matnni o‘zlashtirib olishga erishadilar. Berilgan ma’lumotlarni o‘zlashtirganlik darajasini aniqlash uchun guruh ichida ichki nazorat o‘tkaziladi, ya’ni guruh a’zolari bir-birlari bilan savol-javob qiladilar. Yangi guruh a’zolari dastlabki holatdagi guruhlariga qaytadilar.
Darsning qolgan jarayonida talabalar bilimlarini baholash yoki to‘plagan ballarini hisoblab borish uchun har bir guruhda “guruh hisobchisi” tayinlanadi. Talabalar tomonidan barcha matnlar qay darajada o‘zlashtirilganligini aniqlash maqsadida o‘qituvchi talabalarga savollar bilan murojaat qiladilar, og‘zaki so‘rov o‘tkaziladi. Savollarga berilgan javoblar asosida guruhlarni to‘plagan umumiy ballari aniqlanadi. Har bir guruh a’zosi tomonidan guruhdagi matnning mazmunini hayotga bog‘lagan holda bittadan savol tuziladi.
Guruhlar tomonidan tuzilgan savollar orqali savol-javob tashkil etiladi (“guruh hisobchilari” ballarni hisoblaydi). Guruh a’zolari tomonidan to‘plangan umumiy ballar yig‘indisi aniqlanadi. Guruhlar to‘plagan umumiy ballar guruh a’zolari o‘rtasida teng taqsimlanadi.