Jismoniy madaniyat” kafedrasi samisi o‘quv uslubiy kengashida muhokama etilgan O‘uk raisi Mirzayev Q. J. Bayonnoma №1 avgust 2019 yil. «Boshqaruv psixologiyasi»

Iqtisodiyotdagi psixologik omil – bu odam yoki yaxlit guruh tomonidan moddiy hayot tarzining ongda aks etishidan kelib chiqadigan holatlar, oqibatlar bo’lib, u bevosita ishlab chiqarishni boshqarish, xo’jalik yuritish uslublarini takomillashtirishning sub’yektiv manbai, deb e’tirof etilishidir.
Ishbilarmonlik – bu doimo yangi narsani o’ylab topish va bunyod qilishga, borini yanada yaxshilashga intilish, urinish.
Ishbilarmonlik faoliyati – eng avvalo, mavjud boylikdan biznes bilan shug’ullanish maqsadida, undan foydalana oladigan faol va tashabbuskor kishining intellektual faoliyatidir.
Iste’molchi xulq-atvori – mahsulotlar, xizmatlarni olish, iste’mol qilish va ulardan foydalanishga bevosita yo’naltirilgan faoliyat hisoblanadi.
Jamoa – maqsadlari jamiyat maqsadiga mos keladigan umumiy faoliyat bilan birlashgan odamlar guruhi.
Kasb – faoliyat shakllari birlashmasi bo’lib, mazmun, vositalar, tashkilotlar, mehnat natijalari hamda mehnat sub’yektini tayyorlashga qo’yiladigan talablar majmuini tashkil etadi.
Kasb formulasi – bu mutaxassis faoliyatining kasblar klassifikasiyasi orqali professiogrammaga xos ravishda kodlanishi.
Konsyumerizm – sifatli tovarlar va iste’molchiga e’tibor uchun ko’rashuvchi AQShdagi ijtimoiy harakat.
Mehnat – inson ehtiyojini qondirish asosida tashqi olamni o’zgartirishga qaratilgan maqsadli faoliyat.
Mehnat – fiziologik nuqtai nazardan aytilganda bu – organizmda yig’ilib qolgan hayot energiyasi tufayli sodir bo’ladigan asab va mushaklar harakati hamda oqsil moddalarning mexanik ishga kirishuvi jarayonidir.
Mehnat egasi – psixologiyani fundamental kategoriyasi bo’lib, u insonning anglangan, maqsadli, faol harakat qilishini bildiradi. M.e. sifatida aniq bir inson (individ)gina emas, balki ijtimoiy guruh, mehnat jamoasi ham olinishi mumkin.
Mehnat faoliyati psixologiyasi – bu psixologiyaning bir sohasi bo’lib, inson shaxsini mehnat sub’yekti sifatidagi shakllanishi xususiyatlarini, mehnatning shart-sharoitlari, yo’llari va usullarini ilmiy jihatdan o’rganadi.