Паркент тумани 20-умумий ўрта таълим мактабида “Жисмоний тарбия ва ЧҚБТ” фанлари ойлиги доирасида бажарилган ишлар
ҲИСОБОТИ
Паркент тумани Халқ таълими бўлимига қарашли 20-умумий ўрта таълим мактаби директорининг буйруғига асосан мактабда май ойи “Жисмоний тарбия ва ЧҚБТ” фанлари ойлиги этиб белгиланди. Жисмоний тарбия ва ЧҚБТ фанлари ўқитувчилари томонидан фан ойлиги бурчаги ташкил этилиб, бурчакка ўқув қўлланмалар, тест тарқатмалари, жисмоний тарбия ва ЧҚБТ фанларига доир адабиётлар ва ДТС талаблари жойланди. Фан ўқитувчилари томонидан фан ойлигида бажариладиган чора тадбирлар режаси ишлаб чиқилди.
Режага асосан фан ойлиги доирасида ўқувчилар билан бирнеча тадбирлар,шу жумладан , мусобақалар, учрашувлар ва давра суҳбатлари ўтказилди. 9-май “Хотира ва қадрлаш куни” муносабати билан, ўқувчи ёшларни ҳарбий ватанпарварлик руҳида тарбиялаш мақсадида, синфларда “Жасорат дасрлари” ўтказилди. Жисмоний тарбия фани ўқитувчилари билан ҳамкорликда синфлар ўртасида воллейбол , футбол, стол тенниси спорт турлари бўйича ҳамда “Қувноқ стартлар” спорт мусобақалари ўтказилди. Туман Мудофаа ишлари бўлими билан келишилган ҳолда, синфларда “Автоматни нотўлиқ қисмларга ажратиш ва йиғиш” мавзуси бўйича очиқ дарс машғулоти ўтказилди. Бунда Мудофаа ишлари бўлимидан Калашников автомати ўқув қуроли ва ўқув патронлари олиб келиниб, ўқувчиларга дарс жараёнида ва дарсдан ташқари вақтларда Калашников автоматини қисмларга ажратиш ва йиғиш, қуролни тозалаш ва мойлаш тартиби ҳамда ўқдонни ўқлар билан тўлдириш машғулотлари ўтказилди.
Ўтказилган тадбирлар ва спорт мусобақаларида фаол қатнашган ўқувчилар мактаб маъмурияти томонидан муносиб тақдирланди. Дарслар ва ўтказилган тадбирлар мактаб маъмурияти ва фан ўқитувчилари томонидан мунтазам кузатиб борилди ва ўқувчилар томонидан қизиқиш билан қарши олинди. Фан ойлиги давомида ўтказилган тадбирлар ва бажарилган ишлар йил давомида давом эттирилиши келишиб олинди.
ЧҚБТ фани ўқитувчиси: У.А.Разоқов
“ Жисмоний тарбия ва ЧҚБТ” фанлари ойлиги доирасида ўтказилган “Темурбеклар” ҳарбий-спорт мусобақасидан лавҳалар
“Жисмоний тарбия ва ЧҚБТ” фанлари ойлиги доирасида ўқувчилар билан дарсдан ташқари ўтказилган машғулотлардан лавҳалар
“ Жисмоний тарбия ва ЧҚБТ” фанлари ойлиги доирасида ўтказилган “Воллейбол” спорт тури мусобақасидан лавҳалар
“Жисмоний тарбия ва ЧҚБТ” фанлари ойлиги доирасида ўтказилган “Қувноқ стартлар” мусобақасидан лавҳалар
Do'stlaringiz bilan baham: |