Жисмоний шахслардан олинадиган ер солиғини ҳисоблаш тартиби

Aim.uz

Жисмоний шахслардан олинадиган ер солиғини ҳисоблаш тартиби

Календарь йил солиқ давридир. Ер солиғини ҳисоблаб чиқариш давлат солиқ хизмати органлари томонидан амалга оширилади. Давлат солиқ хизмати органлари ер солиғини тўловчилар бўлган жисмоний шахсларнинг ҳисобини мунтазам юритади.

Солиқ қонунчилигида кўрсатилган имтиёзларни олиш ҳуқуқига эга
бўлган шахслар ер участкаси жойлашган ердаги давлат солиқ хизмати органларига солиқ имтиёзларига бўлган ҳуқуқни тасдиқловчи ҳужжатларни мустақил равишда тақдим этади.
Ер солиғи суммаси ва уни тўлаш муддатлари кўрсатилган тўлов хабарномаси жисмоний шахсларга давлат солиқ хизмати органлари томонидан ҳар йили 1 майдан кечиктирмай топширилади.
Йил мобайнида ер участкаси майдони ўзгарганда ва имтиёзларга бўлган ҳуқуқлар вужудга келганида (бекор қилинганда) давлат солиқ хизмати органлари мазкур ўзгаришлардан кейин бир ой ичида ер солиғини қайта ҳисоб-китоб қилишлари ҳамда солиқ тўловчига ер солиғи суммаси ва уни тўлаш муддатлари кўрсатилган янги ёки қўшимча тўлов хабарномасини тақдим этишлари керак.

Aim.uz