Жисмоний маданият ва спортнинг

Ўз-ўзини назорат қилиш ва билимларни текшириш учун саволлар
1. Ҳозирги замон халқаро спорт ва олимпия ҳаракатининг юзага келишига қандай сабаблар бўлди?
2. I халқаро атлетик конгресс қачон ва қаерда ўтказилди?
3. Пьер де Кубертеннинг Олимпия ўйинларини тиклашдаги асосий фаолиятлари нимадан иборат эди?
4. I Олимпия ўйинлари ҳақида батафсил гапириб беринг?
5. I Олимпия ўйинлари чемпиони ва марафон югуришидаги чемпионлар кимлар?
6. I Олимпия ўйинларининг келгувси ўйинлар учун қандай аҳамияти бўлди?
7. ХХ асрнинг биринчи ярмида халқаро аҳвол спорт ва олимпия ҳаракатига қандай таъсир ўтказди?
8. Халқаро спорт ҳаракатида қандай янгиликлар юз берди?
9. Халқаро ишчилар спорти ҳаракатида қандай янгиликлар вужудга келди?
10. ХХ асрнинг биринчи ярмидаги ХОҚ президентлари кимлар эди?
11. Олимпия рамзлари ва белгилари нималардан иборат?
12. Олимпия Конгресслари ва улардаги муҳокама қилинган асосий масалалар нималардан иборат эди?
Ўзбекистон мустақиллиги даврида (1991-2006 й)
жисмоний маданият ва спорт.
5.1. “Жисмоний тарбия ва спорт тўғрисида”ги
қонуннинг (1992-2000 й) аҳамияти

Собиқ Совет ҳокимияти йилларида жисмоний маданият ва спортга эътибор қанчалик кўп бўлмасин, бу соҳанинг мақомий (статус) томондан қонуний равишда тегишли кафолатлар ишлаб чиқилмаган. Фақат сўнгги (1990-1991 йиллар бошида) йилларда махсус қонун лойиҳаларини ишлаб чиқишга киришилди. Лекин у қоғозда қолиб кетди.

Ўзбекистон мустақиллиги туфайли бошқа соҳалар каби жисмоний маданият ва спорт соҳасида биринчилардан бўлиб қонун лойиҳасини ишлаб чиқди ва 1982 йил 14 январда Республика Олий мажлисининг сессиясида тасдиқланди.
“Жисмоний тарбия ва спорт тўғрисида”ги қонунда давлат ва жамоат ташкилотларининг бурчи, вазифалари ва ҳуқуқлари алоҳида белгилаб берилди. Қонуннинг 28 та моддасида жисмоний маданият ва спорт ҳаракати билан боғлиқ бўлган барча соҳалар кафолатланди.
Спорт ишларига раҳбарлик, аҳолини жисмоний маданият ва спортга жалб этиш, ўқувчи-ёшлар, талабалар ва меҳнаткаш оммасига жисмоний маданият ҳамда спорт билан шуғулланишга шарт-шароитлар яратиб бериш алоҳида такидланди.
Спорт иншоотларини кенгайтириш, улардан мақсадли фойдаланиш, кадрлар тайёрлашни илмий-амалий тажрибалар асосида амалга ошириш, дарсликлар ва ўқув-услубий қўлланмаларни яратиш борасида янги йўналишлар ифода этилди.
Ногиронлар спортини ривожлантириш, жисмоний маданият ва спортни моддий-т ехник жихатдан таъминлаш, ўз-ўзини бошқариш фаолиятларини ташкил қилишга ҳам эътибор қаратилди. Мустақилликнинг янги қирралари ва ўтказилган туб ислоҳотларни натижалари асосида мазкур қонун 2000- йилда янги тахрирда қабул қилинди.Бунда ҳомийлик, жамғарма уюшмаларини жисмоний маданият ва спорт соҳасидаги вазифаларига кенг йўл берилди.
Хулоса қилиб айтганда мазкур қонун Республика жисмоний маданият ва спорт ишларини янада яхшилашга даъват этди.
Қонуннинг тўла матнини ўқувчи ёшлар билан алоҳида ишлаб чиқиш зарурияти борлиги сабабли унинг моддалари бу ерда кўрсатилмади. Демак дарсларда ва мустақил ишларда қонундан тўла фойдаланиш зарур бўлади.