Жисмоний маданият соҳасида илғор хорижий тажрибалар

Nazorat savollari
1. Gimnastika mashqlarini o‘rgatish texnikasini aytib bering?
2. Bolalarning gimnastika mashqlarini o‘zlashtirish texnikasini aytib bering?
3. Bolalarning gimnastika mashg‘ulotlarida yurish texnikasini aytib bering?
4. Yurish harakatlarida bolalarning qo‘l harakatlari qanday bo‘lishi kerak?
5. Ta'qiqlangan mashqlar to‘g‘risida aytib bering?
6. Bolalarning qaddi-qomatini to‘g‘ri tutish mashq texnikasini tushuntirib bering?
adabiyotlar ro‘yxati
1.Умаров М.Н. Гимнастика –Т,: VNESHINVESTROM, 2015.
2. Эштаев А.К. Гимнастика дарси.-Т.: ЎзДЖТИ, 2004.
3. Рахимкулов К. Кичик ёшдаги болаларнинг қадди-қоматини ривожлантиришга мўлжалланган машқлар ва ҳаракатли ўйинлар.-Т.: Тафаккур-бўстони, 2015.
4. Моргунова И.И. Гимнастика.- Т:, Илм-зиё – 2017.
3-mavzu. Saf mashqlari tasnifi va o‘rgatish uslubiyati
Reja:
3.1. Saf usullari.
3.2. Saf mashqlari yordamida jamoa bo‘lib harakatlanish.
Tayanch tushunchalar: bolalar, saf, zich saf, qayta saflanish, saf usullari, oarliq, masofa, mashq, usul, harakat, ko‘chish, burilish, muvozanat saqlash, yurish
3.1. Saf usullari
Saf usullari-turgan joyda ijro etiladigan saf harakatlardan iborat. Bu mashqlarning ahamiyati eng avvalo shundan iboratki, ular yordamida intizomlilik va uyushqoqlik tarbiyalanadi.
«Saflaning!»- bu buyruqqa ko‘ra bolalar safga turadilar.
«Rostlan!»- bu buyruqqa ko‘ra saf tik turish holatini kabul kiladi. U gimnastikada asosiy tik turish holatiga to‘g‘ri keladi.
«Tekislan!», «Chapga qarab tekislan!», «O‘rtaga qara!».
«To‘xta!»- bu buyruqda ko‘ra harakat ,mashq, to‘xtatiladi.
«Erkin»- bu buyruqqa ko‘ra bolalar turgan joylaridan jilmasdan, bir oyoqni tizzadan bo‘shatib, erkin turadilar.
“O‘ng, chap, oyoqda erkin tur!”- bola o‘ng, chap, oyoqni o‘ngga, chapga, bir qadam jildirib, gavda og‘irligini ikkala oyoqqa taqsimlaydi va qo‘llarini orqada tutadi.
«Tarqal!»- bolalar safdan chiqib, zalda, maydonchada, erkin joylashadi.
“Tartib buyicha-Sana!”, “Birinchi va ikkinchiga-sanang!, “Uchtalab, to‘rt, besh va hokazo,- sanang!” va boshqalar. Hisob o‘ng qanotdan boshlanadi. O‘z sonog‘ini aytayotgan bola, ayni vaqtda boshini tez chap tomondagi bolaga qarab buradi va keyin dastlabki holatga qaytadi.
Safni oxirida turuvchi bir qadam oldinga odimlab, “sanash tugadi” deb o‘z joyiga turadi.
Turgan joyda burilishlar , buyruqlar “O‘ng-GA”, “Chap-GA”, “Ort-GA”, “Yarim o‘ng-GA”, Ayrim hollarda buyruqlar topshiriqlar bilan almashtirilishi mumkin, biroq qayd etilgan mashqlar turgan joyda burilishlardan tashqari, buyruqqa ko‘ra ijro etilishi lozim.
Saf mashqlari – bu bolalarning ma'lum bir safda birgalikda yoki yakka harakatlaridan iborat. Saf mashqlari yordamida mashg‘ulotni tashqil etish marom va sur'at hissiyotini tarbiyalash masalalari muvaffaqiyatli hal qilinadi, jamoa bo‘lib harakatlanish malakalari shakllantiriladi.
Bu mashqlar bola qaddi-qomatini to‘g‘ri shakllantirish vositasi hamdir. Saf mashqlari aniq ijro etilishiga bo‘lgan talabchanlik, intizomlilik va uyushqoqlikni tarbiyalaydi.
saf mashqlari to‘rtta guruhga bo‘linadi:
saf usullari;
saflanish va qayta saflanish;
joydan - joyga ko‘chish;
orani ochish va yaqinlashtirish.
Saf – bolalarning birgalikda harakatlanishi uchun belgilangan qoidaga ko‘ra joylashishidir.
Mashg‘ulotda safni jismoniy tarbiya instruktori odatda yoki belgilangan signal bilan beriladigan bevosita buyruq va topshiriqlar orqali boshqaradi.
Saflarning asosiy nomlari va uning joylanishi:
Zich saf – bolalarning qatorda bir-biridan kaft kengligida (tirsaklar o‘rtasi)oralig‘ida yoki ketma-ket qatorda bir-biridan oldinga uzatilgan qo‘l uzunligidagi masofada joylashgan safdan iborat.