Жисмоний маданият соҳасида илғор хорижий тажрибалар

Ertalabki badantarbiya. Har kuni kattalar nazoratida ertalabki badantarbiya mashqlarini ochiq havoda, gilamcha ustida, yengil kiyimda, buyumlar bilan (buyumlarsiz) bajarish, mashqlarni suv muolajalari bilan tugallash. Muayyan izchillikda qomatni to‘g‘ri tutgan holda mashqlarni bajarish.
Qomatni to‘g‘ri tutish. Badantarbiya va mashg‘ulotlarga qomatni to‘g‘ri shakllantiradigan, yassitovonlikning oldini oladigan mashqlarni kiritish (kattalar bilan birgalikda). Qomatni mustaqil nazorat qilib yurish qoidalariga rioya qilish: orqa bilan devorga suyanib, tik turish, devorga yelkani tekkizib turish, yurishda anna shunday holatni saqlash.
Olti yoshdan yetti yoshgacha bo‘lgan bolalar bilan o‘tkaziladigan boshlang‘ich gimnastika mashqlari texnikasi (6-7 yosh). Bola hayotining yettinchi yilida undagi harakatlar qo‘lami kengayadi va aniqlashadi. 6-7 yoshli bola o‘zini idora qilish va o‘z harakatlarini nazorat qilish imkoniyatiga ega bo‘la boshlaydi. Bu yoshdagi bolada mustaqil faoliyat ko‘rsatish, tashabbuskorlik rivojlanadi, qiziquvchanlik yanada ortadi, kattalar fikrini tinglash ishtiyoqi shakllanadi, o‘z salomatligini nazorat qila oladi. Bu davrda bolaning bo‘yi 122-128 sm ga yetadi, og‘irligi 25-28 kg bo‘ladi. Uning idrok kuchi va tafakkuri jadal rivojlanadi, borliqni bilishga intila boshlaydi, gigienik malakalari shakllana boradi.
Boshlang‘ich gimnastika mashqlari asosida harakatlarni takomillashtirish, jismoniy sifatlar (tezkorlik, chaqqonlik)ni, kundalik harakat faolligiga bo‘lgan ehtiyojini shakllantirish. Mashqlarni bajarish paytida chidamlilik, muvozanat saqlash, harakatlarni boshqarish va fazoda chamalashni takomillashtirish. Uyushqoqlik bilan harakat qilishga; gimnastika mashqlariga qiziqishlarini qo‘llab-quvvatlash, ularni faqat ko‘rsatgandagina emas, balki so‘z bilan tushuntirganda ham aniq bajarishga o‘rgata borish.
Mashqlarni aniq, berilgan tezlikda, musiqa ohangiga moslab bajarish.
Yirik motorikani rivojlantirish. Bolada yurish, yugurish, yumalatish, irg‘itish, ilib olish, emaklash, tirmashish, muvozanat saqlash kabi asosiy harakatlarni mustahkamlash; gimnastik o‘tirgichda tik turib yura olish; turli holatdagi yugurish mashqlarini bajara olish; tezlik, muvozanat va yo‘nalishni saqlagan holda yugurish; turli xil sakrash mashqlarini bajara olish, to‘siqlar ichidan emaklay olish ko‘nikmalarini rivojlantirishda davom etish.
Sport anjomlari (to‘p, kegli, halqa, v.b.) bilan ta'minlash; bolaning murakkab harakatlarni bajarishga intilishini rag‘batlantirish.