Жисмоний маданият соҳасида илғор хорижий тажрибалар

Harakatlantiruvchi tartib. Har kungi sayrlarda to‘p, arqon, badminton o‘ynash, o‘yin qoidalariga rioya etish, tezkorlikni, chaqqonlikni rivojlantirish.
Asosiy harakatga doir mashqlar.
Yurish mashqlari. Bir qator bo‘lib, doira bo‘ylab qo‘l ushlashib, yon tomonga ketma-ket yurish, yurishdan yugurishga o‘tish; oyoq uchida yurish; oyoq uchida tizzalarni baland ko‘tarib yurish, tovon bilan, oyoq kaftlarining yon tomoni bilan yurish, turli buyumlar oralab yon tomonga yurish. Gimnastika o‘rindig‘ida muvozanat saqlab yurish. Harakat tezligi va yo‘nalishlarini o‘zgartirib safda yurish.
Yugurish mashqlari. Oyoq uchida, tizzalarini baland ko‘tarib katta qadamlar bilan yugurish, safda qo‘lini ushlab juft bo‘lib, doira bo‘lib; ilon izi bo‘lib yugurish; hamda yugurishni yurish bilan almashtirish; to‘xtovsiz 1 daqiqagacha yugurishga; 20-30 m masofaga sekin yugurishga, yugurib kelgandan so‘ng muvozanat saqlashga o‘rgatish.
Sakrash mashqlari. Turgan joyida ikki oyoqlab 50 sm uzunlikka sakrash; qo‘llarni yuqoriga ko‘tarib sakrash; oldinga sakrab yurish; bir oyoqlab turgan joyida va sakragan holda yurish. To‘siqlardan sakrab o‘tish; 10-15 sm balandlikdan sakrab o‘tish, arqon bilan sakrashga urinish.
Emaklash va tirmashish mashqlari. Kamida 10 m masofagacha hamda turli balandlikdagi buyumlar ostidan emaklab o‘tish. Gimnastika o‘rindig‘ida qo‘llarga tayangan holda, qorin bilan sudralish. To‘rt oyoqlab emaklash, gimnastika devoriga o‘ngdan chapga o‘tib tirmashib chiqish; 20-30 sm balandlikda tortilgan arqon tagidan, halqa orasidan emaklab o‘tish.
Yumalatish, irg‘itish va ilib olish mashqlari. To‘pni bir-biriga irg‘itib, devorga, yerga urib ilib olishga, navbatma-navbat o‘ng va chap qo‘l bilan to‘pni urishga, og‘irligi 0,5 kg bo‘lgan to‘plarni yerda yumalatish, uloqtirishga o‘rgatish.
Umumrivojlantiruvchi mashqlar.
Qo‘l va yelka uchun mashqlar. Dastlabki holat: gavda tik tutilgan, oyoqlar yelka kengligida ochilgan, qo‘llarni oldinga, yon tomonga, yuqoriga ko‘tarish va tushirish. Qo‘llarni yonga, oldinga uzatgan holda kaftlarni ochib yopish va aylantirish. Qo‘llarni birin-ketin navbat bilan oldinga va yuqoriga ko‘tarish, tushirish, orqaga va oldinga aylantirish. Qo‘llarni tirsakdan bukib so‘ng yozish.