Jip hám shiyki ónimlerdiń siziqli tiġizliġİ Laboratoriya jumısınıń maqseti

Karda iyiriw sisteması

t/r	Ótimler	İsletiletuġın mashinalar	Texnologiyalıq protsessler	Ónim
1	Tútiw- tazalaw	Tútiw –tazalaw agregatı	Tútiw, aralastırıw, tazalaw	Tútilgen, tazalanġan talalı massa
2	Taraw	Taraw mashinası	Taraw	Taralġan pilte
3	Piltelew	Piltelew mashinası I-ótim II -ótim	Sozıw hám qosıw	Piltelengen pilte
4	Piliklew	Piliklew mashinası	Sozıw, pisitiw hám oraw	Pilik
5	Iyiriw	Iyiriw mashinası	Sozıw, pisitiw hám oraw	Jip

Qayta taraw sisteması

t/r	Ótimler	İsletiletuġın mashinalar	Texnologiyalıq processler	Ónim
1	Tútiw- tazalaw	Tútiw –tazalaw agregatı	Tútiw, aralastırıw, tazalaw	Tútilgen, tazalanġan talalı massa
2	Taraw	Taraw mashinası	Taraw	Taralġan pilte
3	Xolstcha tayarlaw	Piltelew mashinası 0-ótim, Pilte birlestiriw mashinası	Sozıw hám qosıw Sozıw, qosıw hám oraw	Piltelengen pilte Xolstcha
4	Qayta taraw	Qayta taraw mashinası	Qayta taraw	Qayta taralġan pilte
5	Piltelew	Piltelew mashinası I-ótim	Soziw hám qosiw	Piltelengen pilte
6	Piliklew	Piliklew mashinasi	Sozıw, pisitiw hám oraw	Pilik
7	Iyiriw	Iyiriw mashinası	Sozıw, pisitiw hám oraw	Jip

Studentler pnevmomexanik usılda jip islep shıġarıw protsessi ótimlerin óz betinshe úyrenip, joqarıda keltirilgen tablitsanı toltıradı.

3-LABORATORİYA JUMISI

halqali İYİRİW mashİnasi. tamİYİnlEW qurilmasi. JETEKLEWShİ mexanİzm.
Laboratoriya jumısınıń maqseti: Halqalı iyiriw mashinası, tamiyinlew qurılması hám jeteklewshi mexanizmniń dúzilisi hám islewin úyreniw.

Laboratoriya sabaġı ushın kerek úskeneler hám materiallar: Zinser350 halqalı iyiriw mashinası, texnologik hám kinematik sxemaları, animatsion modeller, kompyuter, proektor.

Tapsırma

1. 
   Halqalı iyiriw mashinasınıń wazıypası, dúzilisi hám islewin úyreniń. Texnologik sxemasın súwretleń.
   
2. 
   Mashina isshi organlarına háreket uzatılıwın úyreniń. Kinematik sxemasın súwretleń.
   
3. 
   Támiyinlew qurılmasınıń dúzilisin úyreniń. Sxemasın sızıń.
   
4. 
   Jeteklewshi mexanizmniń dúzilisi hám islewin úyreniń. Sxemasın sızıń.
   

Úyde: Laboratoriya jumısı boyınsha esabat tayarlań.
Tiykarġı maġlıwmatlar

Halqalı iyiriw mashinasın úyreniwde, onıń iyiriw kárxanalarındaġı ornı hám áhmiyeti atap ótiledi. Studentler jip iyiriw texnologik protsessiniń orınlanıwın gúzetedi (piliktiń uzatılıwı, onıń jińishkeleniwi, tutamshaġa buram beriliwi, jiptiń qáliplesiwi hám nayshaġa oralıwı). Mashina dúzilisin úyreniwde tiykarġı organlardıń wazıypası hám jaylasıwı anıqlanadı (tamiyinlew qurılması, jeteklewshi mexanizm, sozıw ásbabı, pisitiw-oraw mexanizimi, háreket uzatıw mexanizimi). Iyiriw mashinası jumısına tásir etiwshi faktorlar, avtomatlastırıw hám mexanizatsiyalastırıw elementleri (avtomatlastırıw mexanizimi) sanap ótiledi. Mamıq sorıġısh hám pnevmosorıw diziminiń islew printsipi úyreniledi.

Zinser 350 halqalı iyiriw mashinasınıń texnologik sxeması 1- pilikli katushka; 2- baġdarlawshı trubka; 3- tıġızlaġısh; 4- sozıw ásbabı; 5- mamıq sorıġısh; 6- mamıq sorġısh siteması; 7-jip ótkergish; 8- jip ajratqısh; 9- ballon sheklegish; 10- begunok; 11- halqa; 12-urshıq; 13- pakovka; 14- urshıqlardıń háreket uzatpası; 15-urshıqlar brusı

Iyiriw mashinası isshi organlarına háreket uzatılıwın úyreniwde kompyuter basqarıwınıń abzallıqları, tiykarġı isshi organlar tezliklerin ózgertiriw usılları hám olardı iyiriw protsessine hámde iyirilip atırġan jiptiń qásiyetlerine tásiri analiz etiledi. Urshıqlarġa háreket uzatılıwına, tangentsial lentalardıń isletiliwine hám olardı keriw usıllarına ayrıqsha itibar qaratıladı. Servomotorlardı hám isshi parametrlerin kompyuterde bashqarıwdıń abzallıqları aytıp ótiledi (mashinanı toqtatıw, háreket baġıtın ózgertiriw, aylanıwlar sanın ózgertiriw). Lentalı hám rishaglı uzatpalar járdeminde halqalı planka, ballon sheklegish, jip ajratqısh, jip ótkizgishlerdıń ilgerilmeli-qaytpa háreketi úyrenilip, bul háreketti mashina táreplerine bólistiriliwi gúzetiledi. Ekstsentriktiń konfiguratsiyası hám háreketine, halqalı planka háreket baġıtın ózgertiriwshi datchikler islewine, absolyut mánis datchiginiń funktsiyasına ayrıqsha itibar qaratıladı. Jeteklewshi mexanizmniń háreket traektoriyası analiz etiledi.

PNEVMOMEXANİK IYIRIW MAShİNASI. TAMİYİNLEW HÁM DİSKRETLEW QURILMALARI
Laboratoriya jumısınıń maqseti: Pnevmomexanik iyiriw mashinası hám onıń tamiyinlew hámde diskretlew qurılmaları dúzilisi hám islewin úyreniw.

Laboratoriya sabaġı ushın kerek úskeneler hám materiallar: BD-330 pnevmomexanik iyiriw mashinası, mexanizmler sxeması, animatsion modeller, kompyuter, proektor.

Tapsırma

1. 
   BD-330 pnevmomexanik iyiriw mashinasınıń wazıupası, dúzilisi hám islewin úyreniń. Texnologik sxemasın súwretleń.
   
2. 
   Pnevmomexanik iyiriw mashinası tiykarġı isshi organlarına háreket uzatılıwın úyreniń.
   
3. 
   Támiyinlew qurılmasınıń wazıypası, dúzilisi hám islewin úyreniń. Onıń sxemasın súwretleń.
   
4. 
   Diskretlew qurılmasınıń wazıypası, dúzilisi hám islewin úyreniń. Onıń sxemasın súwretleń.
   

Úyde: Laboratoriya jumısı boyınsha esabat tayarlań.
Tiykarġı maġlıwmatlar
Pnevmomexanik iyiriw mashinasın úyreniwde texnologik protsessler izbe-izligi anıqlanadı: támiyinlew, ónimdi diskretlew - bólek talalarġa ajratıw, diskret talalar aġımın pisitiw kamerasına transportirovka qılıw, diskret talalar aġımın tsikllik qosıw, talalı pilteshege buram beriw arqalı jipti pisitiw-qáliplestiriw, jipti shıġarıw hám onı katushkaġa oraw. Soń mashinanıń tiykarġı mexanizmleri hám qurılmalarınıń jaylasqanlıġı hám wazıypaları anıqlanadı: tamiyinlew qurılması, diskretlew qurılması, pisitiw qurılması, jipti shıġarıw qurılması, jipti oraw mexanizimi, jip tazalaw qurılmasınıń hawa aġımın baġdarlaw dizimi, parafinlewshi qurılma, jipti qadaġalaw qurılması (úziliw datchigi),tolı bobinalardı almastırıwshı «úshinshi qol» mexanizimi, háreket uzatpası.

Pilte hám jip pakovkalarınıń massalarına itibar qaratılıp, mashinanıń isshi halatında olardı almastırıw imkániyatları úyreniledi. Tayyar bobinanı bos katushka menen almastırıw operatsiyasınıń túrli usılları (qolda, avtomatlastırılġan) analiz etiledi. Iyiriw bloklarınan birin ashıp, hawa jolları, baġdarlawshı blokshalar, iyiriw kamerası hám diskretlew barabanı uzatpalarınıń baġdarlawshı blokshaları, qońsı sektsiya vallarınıń biriktiriw jerleri kórip shıġıladı. Oqıtıwshı virtual stendten paydalanġan halda studentlerdi iyiriw blokı detallarınıń (támiyinlewshi stolik, tıġızlaġısh, támiyinlewshi tsilindr, iyiriw kamerası, separator, shıġarıwshı voronka, shıġarıwshı trubka, jip úzilgende támiyinlewdi avtomatik toqtatıw qurılması) jaylasqanlıġı hám áz-ara háreketleniwi menen tanıstıradı.

Animatsion modeldi gúzetiw arqalı iyiriw qurılmasına, yaġnıy diskretlewshi barabanġa pilteni uzatıw, diskret talalar aġımın transportirovka qılıw, iyiriw kamerasınıń jıynawshı sırtında olardan pilteshe formalandırıw wazıypaları úyreniledi. Diskretlew protsessi menen bir waqıttıń ózinde pataslıqlardıń ajralıwına ayrıqsha itibar qaratıladı. Pisitiw protsessi – jip qáliplesiwi hám onı iyiriw blokınan shıġarıw halatı úyreniledi. Studentler jip úziliwin qadaġalawshı datchiktiń jumısı menen, parafinlewshi qurılmanıń funktsiyası menen hám krest tárizli orawdıń payda qılınıwı menen tanısadı.

1-támiyinlew piltesi; 2-tıġızlaġısh; 3-támiyinlewshi stolik; 4- támiyinlewshi tsilindr; 5-diskretlew barabanı; 6-konfuzor(transportirovka kanalı); 7- iyiriw kamerası; 8- jip sapasın qadaġalawshı datchik; 9-tartıwshı vallar; 10-jip úziliwin qadaġalawshı datchik; 11- jip taqlaġısh; 12- orawshı val; 13-bobina 115-súwret.BD-330 pnevmomexanik iyiriw mashinasınıń texnologik sxeması

Studentler mashinanıń islewin gúzetip, onı toqtatadı hám servodvigateller, almasınıwshi elementler, lenta keriwshi bloklardıń jaylasqanlıġın kózden ótkeredi. Mashinanı júrgiziw hám toqtatıw tártibi menen tanısıp, kompyuter basqarıwınıń abzallıqların hám mashinanıń jumıs parametrlerin ózgertiriw imkániyatların úyrenedi. Toqtatılġan mashinada bólek uzeller uzatpaları (iyiriw kamerası, támiyinlewshi tsilindrler, diskretlew barabanshası, parafinlewshi qurılma) úyreniledi.

Mashina isshi organlarına háreket uzatılıwın úyreniwde, oraw tıġızlıġın tuwrılaw, tisli lentalar keriliwin ózgertiriw, sonday-aq, gorizontal, tangentsial hám transportirovkalawshı lentalardıń konstruktsiyası menen tanısıladı.

Studentler tamiyinlew qurılmasın úyreniwde BD-330 mashinasınıń eki iyiriw blokın isletedi, olardan birinshisi ayrıqsha detallarġa, ekinshisi bolsa úsh bólimge (diskretlewshi qurılma, iyiriw kamerası, diskretlewshi qurılmanıń támiyinlewdi avtomatik toqtatıw elementleri montaj qılınġan korpus) ajratılġan boladı. Támiyinlew qurılmasın tolıq úyreniw ushın diskretlewshi barabanshanıń podshipniklerin ornatıw, támiyinlewshi tsilindrdi jaylastırıw, támiyinlewshi stolik terbeliwin tuwrılaw, támiyinlewshi stolikti júklew usılı hám hawa kanallarınıń isletiliwi de stendten paydalanġan halda analiz etiledi.

4- LABORATORİYA JUMISI

КЕСЕСИНЕ №ОСЫП ТО№ЫЛ@АН (РЕ;ЛИ) трикотаж тО№ЫМАСЫ

Истен ма3сет` Кесесине 3осып то3ыл2ан трикотаж материалы то3ы7ды ислеп шы2ары7 технологиясын анализ 3ылы7 81м то3ы7 7а3ытларында 3олланылату2ын ре4ли жиплерди бас3ары7шы аппараты4 жумыс барысын 6йрени7.

№ураллар` ясси фанг автомати ПВПЭМ, айлана игнадонлы ластик машинасы, яки игнадонли шулы3 то3ы7 автоматы.