Jinoyat protsessual huquqi modulidan 1-variant

Mazkur holatga Jinoyat-protsessual qonunchiligiga asoslangan holda huquqiy baho bering.

Jinoyat protsessual huquqi modulidan
24-variant
1.Tergovchi to‘plangan dalillarni ayblov xulosasini tuzish uchun etarli deb topganidan keyin ayblanuvchi va himoyachiga dastlabki tergov tamomlanganligini e’lon qiladi, ularga ishdagi barcha materiallar bilan tanishib chiqishga doir huquqlarini tushuntiradi va tanishib chiqish uchun ishni taqdim etadi.
Jinoyat ishi materiallari bilan tanishtirish tartibini bayon qiling.
2.Qamoqqa olish yoki uy qamog‘i tarzidagi ehtiyot chorasini qo‘llash tartibini bayon qiling.
Kazus
Fuqaro Ermetovning xonadonidan buyumlar, jumladan jangovor harakatlarda ishtirok etganligi uchun olgan, nomi yozilgan soat ham o‘g‘irlangan. O‘g‘irlangan hamma narsalar ayblanuvchilarning xonadonidan topildi va Ermetovga qaytarildi.
Jabrlanuvchi bu soatning haqiqiy narxi unga noma’lumligini, magazinda bunday soatlar taxminan 50000 (ellik ming) so‘m turishini aytdi. Jinoyat tufayli etkazilgan zarar to‘liq qoplanganligi munosabati bilan Ermetov da’vo arizasi bermadi.
Uch oydan keyin Ermetovning xonadonida yana o‘g‘irlik jinoyati sodir etiladi va aynan o‘sha soatni o‘g‘irlab ketishadi. Ushbu fakt yuzasidan yangi jinoiy ish ochildi. Bir oz vaqt o‘tgandan so‘ng jinoyatchilar ko‘lga olindi, lekin soat tergovda aniqlashning iloji bo‘lmagan shaxslarga sotib yuborilganligi bois uni topishning imkoni bo‘lmadi.
Ikkinchi ish bo‘yicha so‘roq paytida Ermetov soat unga juda qadrli ekanligini, shu bois ham u soat narxini 1500000 (bir million besh yuz ming) so‘m deb baholashini aytdi. Ermetov ko‘rsatilgan summaga o‘zini fuqaroviy da’vogar deb tan olishlarini so‘radi. Lekin birinchi ish bo‘yicha Ermetov haqidagi ma’lumotlar tergovchiga ayon edi. U o‘z yurituvidagi ish materiallariga Ermetovning birinchi so‘roqda bergan javoblari bayonnomasini qo‘shib ko‘ydi va uni faqat 50000 (ellik ming) so‘mga fuqaroviy da’vogar deb tan oldi.