Jinoyat oraliq 1

 
34. 
Jinoyatga daxldorlik masalasini yoriting 
 
Jinoyatga daxldorlik
– bu boshqa bir tayyorgarlik ko‘rilayotgan, sodir etilayotgan yoki 
sodir etilgan jinoyat bilan bog‘liq bo‘lgan aybli, ijtimoiy xavfli qilmish bo‘lib, asosiy jinoyatda 
bevosita qatnashish yoki ishtirok etish deb hisoblanmaydi, biroq uning sodir etilishiga sharoit 
yaratadi yoki yashirilishiga yordamlashadi, bunda asosiy jinoyatni sodir etuvchilarga oldindan 
va’da qilinmaydi. Ushbu harakatlarga: - jinoyatga tayyorgarlik ko‘rilayotganligi, jinoyat sodir 
etilayotganligi yoki jinoyat sodir etilganligi haqida aniq bila turib, oldindan va’da bermagan 
holda, hokimiyat organlariga xabar qilmaslik ko‘rinishida; - jinoyatchini, jinoyat sodir etish 
quroli va vositalarini, jinoyat izlarini yoki jinoiy yo‘l bilan qo‘lga kiritilgan narsalarni oldindan 

---

va’da bermagan holda yashirganlikda ifodalanadigan harakatlar ko‘rinishida amalga oshiriladi. 
Jinoyatga daxldorlik JK 1551-moddasi va 241-moddasida nazarda tutilgan hollardagina 
javobgarlikka sabab bo‘ladi. Ya’ni: - tayyorlanayotgan yoki sodir etilgan terrorchilik 
harakatlari to‘g‘risidagi ma’lumotlar va faktlar haqida xabar qilmaslik; - tayyorgarlik 
ko‘rilayotgan yoki sodir etilgan og‘ir yoki o‘ta og‘ir jinoyat haqida aniq bilgani holda xabar 
bermaslik; - og‘ir yoki o‘ta og‘ir jinoyatlarni oldindan va’da bermasdan yashirganlik uchun 
javobgarlikni keltirib chiqaradi. Jinoyatga daxldorlikni ishtirokchilikning yordamchilik 
turidan asosiy farqi, yordamchi oldindan va’da bergan holda o‘z harakatlarini sodir etsa, 
daxldor oldindan va’da bermagan holda o‘z harakatlarini amalga oshiradi. Jinoyatga daxldorlik 
uchun gumon qilinuvchi, ayblanuvchi yoki sudlanuvchining yaqin qarindoshlari javobgarlikka 
tortilmaydi