Jinoyat oraliq 1

12.
 
 Jinoyat ob’ektiv tomonining zaruriy va fakultativ belgilari hamda ularning 
ahamiyatini ayting 
Jinoyatning ob’ektiv tomoni deb - sodir qilingan ijtimoiy xavfli qilmishning tashqi tomoni 
xususiyatlarini ifodalovchi qonun tomonidan o‘rnatilgan belgilar majmuiga aytiladi. Ya’ni 
jinoyat sodir qilishning usul va yo‘llarini nazarda tutuvchi belgilar yig‘indisi tushuniladi. 
Odatda ushbu belgilar JK Maxsus qism moddalari dispozitsiyasida ko‘rsatilgan bo‘ladi. 
Jinoyat ob’ektiv tomonining belgilari ikkita asosiy guruhga ajratiladi: Birinchi guruh belgilari 
- o‘zgarmas va har bir jinoyat tarkibi uchun xos bo‘lgan va mazkur elementsiz jinoyat tarkibi 
mavjud bo‘lmaydigan zaruriy belgilar; Ikkinchi guruh belgilari esa - jinoyatning bevosita 
ob’ektiv tomoni tarkibida bo‘lmasligi ham mumkin bo‘lgan fakultativ xarakterga ega bo‘lgan 
belgilar. Ushbu ikki guruh belgilari quyidagilardan iborat: - ijtimoiy xavfli qilmish; - ijtimoiy 
xavfli oqibat; - ijtimoiy xavfli qilmish va ijtimoiy xavfli oqibat o‘rtasidagi sababiy bog‘lanish; 
- jinoyat sodir qilish vaqti, sharoiti, joyi, usuli, jinoyat sodir etish vositasi yoki quroli. Barcha 
jinoyat tarkibi turlari uchun jinoyat ob’ektiv tomoni zaruriy belgisi sifatida - ijtimoiy xavfli 
qilmish (harakat yoki harakatsizlik) olinadi. Agar sodir qilingan jinoyat moddiy tarkibli bo‘lsa: 
ijtimoiy xavfli oqibat, ijtimoiy xavfli qilmish va 34 ijtimoiy xavfli oqibat o‘rtasidagi sababiy 
bog‘lanish ham jinoyat ob’ektiv tomonining zaruriy belgisi sifatida e’tirof etiladi.