Jinoyat oraliq 1

 
63. 
Jazodan muddatidan ilgari shartli ravishda ozod qilish kimlarga va qanday 
jinoyatlarni sodir etgan shaxslarga qo‘llanilmaydi 
Faqatgina, ozodlikdan mahrum qilish, intizomiy qismga jo‘natish, xizmat bo‘yicha 
cheklash, ozodlikni cheklash yoki axloq tuzatish ishlariga hukm qilingan shaxslarga nisbatan 
jazoni o‘tashdan muddatidan ilgari shartli ozod qilish qo‘llanilishi mumkin. Shuningdek, shaxs 
ijro etilmagan qo‘shimcha jazodan ham ozod qilinishi mumkin. Mahkumga nisbatan, jazoni 
o‘tashdan muddatidan ilgari shartli ozod qilishni qo‘llash asoslari quyidagilar:
- mahkumga ozodlikdan mahrum qilish, intizomiy qismga jo‘natish, xizmat bo‘yicha cheklash, 
ozodlikni cheklash yoki axloq tuzatish ishlari jazosining tayinlanganligi; 
- mahkum jazo turlari uchun o‘rnatilgan tartib-qoida talablarini bajargan va mehnatga halol 
munosabatda bo‘lganligi;
- sodir etgan jinoyati uchun tayinlangan jazo muddatini ma’lum bir qismini haqiqatda 
o‘taganligi;
- mahkum sodir etgan jinoyati JK 97-moddasi 2-qismi, JK 118 - moddasi 4-qismi, JK 119-
moddasi 4-qismi va “O‘zbekiston Respublikasiga qarshi”, “Tinchlik va insoniyat xavfsizligiga 
qarshi jinoyat”lar sodir etish, “jinoiy uyushma tashkil etish”, “yadroviy, kimyoviy, biologik va 
boshqa xildagi ommaviy qirg‘in qurollarini, shunday qurollarni ishlab chiqarish uchun 
foydalanish mumkinligi ayon bo‘lgan material va uskunalarni, kontrabanda qilish” 
jinoyatlarini tashkil etmasligi. 

---

Jazodan muddatidan ilgari shartli ravishda ozod qilish quyidagi mahkumlarga nisbatan 
qo‘llanilmaydi: 
- umrbod yoki uzoq muddatga ozodlikdan mahrum qilishga hukm etilgan shaxslarga;
- o‘ta xavfli residivistlarga;
- uyushgan guruh yoki jinoiy uyushmaning tashkilotchisi va qatnashchilariga;
- javobgarlikni og‘irlashtiradigan holatlarda qasddan odam o‘ldirish, o‘n to‘rt yoshga 
to‘lmaganligi aybdorga ayon bo‘lgan jabrlanuvchining nomusiga tegish yoki unga nisbatan 
zo‘rlik ishlatib, jinsiy ehtiyojni g‘ayritabiiy usulda qondirish, O‘zbekiston Respublikasiga, 
tinchlik va insoniyat xavfsizligiga qarshi jinoyat sodir etish, jinoiy uyushma tashkil etish, 
yadroviy, kimyoviy, biologik va boshqa xildagi ommaviy qirg‘in qurollarini, shunday 
qurollarni ishlab chiqarish uchun foydalanish mumkinligi ayon bo‘lgan material va 
uskunalarni, kontrabanda qilish uchun hukm qilingan mahkumlarga. Jazoni o‘tashdan 
muddatidan ilgari shartli ravishda ozod qilinib, jazoning o‘talmagan qismi mobaynida qasddan 
yangi jinoyat sodir etgan shaxsga nisbatan - sud JKning 60-moddasida nazarda tutilgan 
qoidalarga muvofiq bir necha hukm yuzasidan jazo tayinlaydi.