Ájiniyaz atındaģı nmpi baslawısh tálim fakulteti

Ájiniyaz atındaģı NMPI

Baslawısh tálim fakulteti
Baslawısh tálim qániygeligi
1-A topar talabası Ońģarbaeva Ruzaniń
2022-jıl 4-aprelden 29-aprelge shekemgi
ámeliyatta 4 háptelik ámeliyattı orınlaģan isleri boyınsha
Esabatı
Biz 1-A topar talabaları Nókis qalasındaģı 18-sanlı orta mektepte ámeliyat ótew ushın 2022-jıldıń 4-aprelinen 29-aprelge shekem bolģan ámeliyattı ótedik. Usı dáwirde júdá ko’p bilim hám tájiriybelerdi úyrendim.Ustazlarımnıń jol-joba hám kórsetpeleri úlken turmıs mektebin ótedi.Fakultetimiz dekanı pedagogikalıq ámeliyattı kewilli túrde ótkeriwimiz áhmiyetli ekenligin aytıp ótti. Bizge kerek bolatuģın hújjetler, dápter júritiw tártibi, kún tártibin durıs bólistiriw, jurnal toltırıwdı úyreniw, is rejeni elektron hám qol jazba kóshirmelerin jazıp barıw kerekligin, oqıtıwshı hám oqıwshılarģa,mekteptiń barlıq jumısshılarına húrmette bolıwımız kerekligin hám mekteptiń óziniń ishki qaģıydalarîna boysınıwımız kerekligin túsindirdi.Ámeliyat boyınsha basshımız Mırzabekova Ǵumsha bizge kerekli maģlıwmatlardı berip bardı. Men 1-4 klaslarģa kiriwge háreket ettim. Men 2- klasqa ámeliyat ótew ushın kirdim. Klass basshısı Uteniyazova Salima meni ashıq jıllı júz benen kútip aldı hám qolınan kelgeninshe mennen bar járdem hám másláhátlerin ayamadı. Ámeliyat dawamında qıyınshılıqlarģa qaramastan, ustaz járdeminde birqansha bilim hám tájiriybe,kónlikpelerge iye boldım.O'z ámeliyatımnıń ko'p bólegin 2-A klass penen alıp bardım. Oqıwshılardıń barlıǵı menen jaqsı islese aldım. Bul process mektebimiz ustazlarına maqul keldi.Sabaqlardı klass basshısı menen birge shólkemlestirdik.Ámeliyat dawamında hárbir sabaqtı qızıģıwshılıq penen baqlap,analiz etip jańa metod hám usıllardı úyrendim. Oqıtıwshılar júdá talapshań,tájiriybeli , sóylewi anıq, itibarlı, mexriban, jankúyer,qısqasha etip aytqanda tájiriybeli pedagog.Men oqıtıwshıdan eń dáslep sabaqtı durıs reje tiykarında,sabaqtı durıs bólistirip ótiwdi ùyrendim. Bul maģan tájriybe boldı. Men ámeliyat dawamında jurnal toltırıw, sabaqtı basqa pánler menen baylanıstırıp multimedia hám audio ,slaydlardan paydalanıwdı ùyrendim. Sabaqlarģa qolımnan kelgeninshe sabaq islenbe dúzip,kórgizbeli qurallar hám tarqatpa materiallar,hár túrli oyınlar menen tayarlıq kórdim. Bul ámeliyatım dawamında baslaģan eń ájayıp isim boldı.