Ájiniyaz atindaǵi Nókis mámleketlik

Aǵashtıń temperaturaǵa, ıǵallıqqa, mikroorganizmlerge hám basqa tásirlerge shıdamlılıǵın támiyinlewge xızmet etiwshi materiallar. Suw, topıraq, hawa hám basqa shárayatlardaǵı zıyanlı mokroorganizmler aǵashtıń beti yamasa aralıq toqımalarına tússe, aǵash shiriy baslaydı. Bunıń aldın alıw ushın aǵashtı qurǵaq etip saqlaw, oǵan ayırım ximiyalıq zatlardı sińdiriw arqalı shıdamlılıǵın asırıw yamasa aǵashtıń betin aliflew, laklew jáne hár túrli boyawlar menen boyaw sıyaqlı usıllar qollanıladı.
Aǵash ısqılanıwǵa jaqsı shıdamlı emes. Sonıń ushın hár túrli ısqılanıwda isleytuǵın bólimleri basqa materiallardan soǵıladı. Aǵashtıń qattılıǵı oǵan basqa qattı deneniń batıwına qarsılıq kórsetiw dárejesi menen belgilenedi. Aǵashtıń qattılıǵın anıqlawdıń eń ápiwayı usılı oǵan shege qaǵıp kóriwden ibarat. Ápiwayı shegeni qayraǵash, emen, smola teregi, almurt, akaciya sıyaqlı qattı aǵashlarǵa qaǵıwǵa bolmaydı, tal, terek, qaraǵay sıyaqlı jumsaq aǵashlarǵa qaǵıladı.
Barlıq aǵash túrleri jaqsı janatuǵın material esaplanadı. Sonıń ushın aǵashtan soǵılǵan qurallardı órtten saqlawǵa itibar beriledi. Ustaxanada órttiń shıǵıwına qarsı qáwipsizlik ilajların turaqlı túrde orınlap barıw shárt.
Baqlaw usılları aǵashtıń sapasın belgilewde onnan soǵılatuǵın buyımnıń úlkenligine sáykes bolǵan saw bólimi bar yamasa joqlıǵın anıqlawdan ibarat. Aǵashtıń kesesine hám uzınına bólimlerin baqlaw arqalı onıń ishki bólimleriniń shirimegenligi, basqa túrdegi zıyanlanıwǵa ushıramaǵanlıǵı jáne reńi hám gúlliligi qanday ekenligi anıqlanadı.
Sınap kóriw usılı menen aǵashtıń qattı-jumsaqlıǵı, tıǵızlıǵı jáne hár túrli sırtqı tásirlerge shıdamlılıǵı anıqlanadı.
Aǵashtıń qattılıǵın oǵan ózinen qattı buyımlardıń ushın, shetin, qırın belgili muǵdardaǵı kúshler menen batırıp kóriw arqalı anıqlanadı.
Aǵashtıń qansha awırlıqtı iyilmesten kóterip tura alıwı tájiriybe jolı menen jáne tiyisli esap-sanaqlar arqalı anıqlanadı. Bunday tájiriybeler imaratlardı qurıw ushın qanday juwanlıqtaǵı hám uzınlıqtaǵı aǵashtı paydalanıw kerek ekenligin anıqlawda járdem beredi.
Aǵashtıń sapası onıń ızǵar hám ıǵallıqqa, suwda hám zıyanlı mikroorganizmlerge jáne aǵashtı kemiriwshi qurtlarǵa shıdamlılıq dárejesi menen de belgilenedi.
Aǵashtıń bunday zıyanlı tásirlerge shıdamlılıǵın asırıw ushın oǵan hár túrli ximiyalıq hám tábiyǵıy elementler sıńdiriledi, laklenedi, boyaladı.