Ўйин қоидалари 2019/20 Ўзбекистон футбол ассоциациясининг расмий таржимаси The International Football Association Board

Жароҳатлар
 
•
ўйинчи енгил жароҳат олган бўлса, тўп ўйиндан чиқмагунча ўйинни давом эттиришга имкон 
беради;
•
ўйинчи жиддий жароҳат олган бўлса, ўйинни тўхтатади ва ўйинчининг майдонни тарк 
этишини таъминлайди. Жароҳатланган ўйинчига майдонда тиббий ёрдам кўрсатиш мумкин 
эмас. Ўйин қайта давом эттирилганидан кейин у, агар тўп ўйинда бўлса, фақат ён чизиқдан, 
агар тўп ўйинда бўлмаса, майдонни чегараловчи ҳар қандай чизиқдан майдонга қайтиши 
мумкин. Фақат қуйидаги ҳолатларда майдонни тарк этиш ҳақидаги талабга истисно 
қилинади:
o
дарвозабон жароҳат олса;
o
дарвозабон ва майдондаги ўйинчи тўқнашиб кетса ва кўрикка муҳтож бўлса;
o
бир жамоа ўйинчилари тўқнашиб кетса ва кўрикка муҳтож бўлса;
o
жиддий жароҳат юз берса;
o
қоидабузарлик
натижасида ўйинчи жароҳат олса ва қоидани бузган рақибга 
огоҳлантириш берилса ёки майдондан четлатилса (масалан, эҳтиётсизлик қилса ёки 
қоидани жиддий тарзда бузса), агар жароҳатни баҳолаш ва ёрдам кўрсатиш тез 
амалга оширилган бўлса;
o
пенальти белгиланиб, бу зарбани жароҳатланган ўйинчининг ўзи амалга оширадиган 
бўлса.
•
танасидан қон оқаётган ўйинчининг майдонни тарк этишини таъминлайди. Ўйинчи ҳакамдан 
ижозат олганидан кейингина майдонга қайтиши мумкин. Бунда ҳакам қон тўхтаганига ва 

---

ўйинчининг эпикировкасида қон йўқлигига ишонч ҳосил қилиши лозим. 
•
агар ҳакам шифокорлар ва/ёки замбилкашларга майдонга чиқиш учун рухсат берган бўлса, 
ўйинчи замбилда ёки мустақил майдонни тарк этиши керак. Ўйинчи бундан бош тортса, 
спортчига хос бўлмаган хулқи учун огоҳлантирилиши зарур.
•
агар ҳакам жароҳат олган ва тиббий ёрдам олиш учун майдонни тарк этаётган ўйинчини 
огоҳлантириш ёки четлатишга қарор қилса, ўйинчи майдонни тарк этмасидан аввал карточка 
кўрсатилиши керак. 
•
Агар ўйин бошқа сабаб билан тўхтатилган бўлса ёки жароҳат қоидабузарлик туфайли 
олинмаган бўлса, ўйин тўп ташлаб бериш орқали давом эттирилади.