Ўйин қоидалари 2019/20 Ўзбекистон футбол ассоциациясининг расмий таржимаси The International Football Association Board

Электрон
 
коммуникация тизими
Агар электрон коммуникация
тизимидан фойдаланилаётган бўлса, ҳакам ўйин бошлангунига қадар 
ёрдамчиларига қачон коммуникациядан фойдаланиш ўринли, аксинча, қачон жисмоний ишора қулай 
экани ҳақида кўрсатма бериши керак. 
Байроқ билан ишлаш техникаси
Ёрдамчи ҳакам байроғи ҳамиша ёйилган ва ҳакамга
кўринарли бўлиши керак. Бу эса одатда байроқ 
ҳакамга яқин қўлда бўлиши кераклигини англатади. Ишора берилаётганида ёрдамчи ҳакам майдонга 
юзланган ҳолда тўхтайди, ҳакам билан визуал контакт ўрнатади ва шошилмасдан байроғини кўтаради 
(ҳаддан ташқари
тез ёки кескин эмас). Байроқ қўлнинг табиий давоми бўлиши керак. Ёрдамчи ҳакам 
байроқни кейинги ишорани берадиган қўли билан кўтариши зарур. 
Агар вазият ўзгарса ва кейинги ишора бошқа қўл билан кўрсатилиши керак бўлса, ёрдамчи ҳакам 
байроқни белидан юқори кўтармаган ҳолда нариги қўлига олиши зарур. Агар ёрдамчи ҳакам тўп 
ўйиндан чиққани ҳақида ишора берган бўлса, ҳакам эътибор бермагунча ишорани кўрсатиб туриши 
керак.
Агар ёрдамчи ҳакам четлатиш билан жазоланадиган қоидабузарлик ҳақида ишора берган бўлса
ва 
ҳакам бу ишорани дарҳол кўрмаган бўлса
:
•
Агар ўйин тўхтатилган бўлса, ўйинни давом эттириш услуби (жарима/эркин зарбаси, пенальти 
зарбаси ва ҳоказо) Қоидаларга мувофиқ ўзгариши мумкин. 
•
Агар ўйин давом эттирилган бўлса, ҳакам ҳамон интизомий чора қўллаши мумкин, лекин 
қоидабузарлик туфайли жарима/эркин ёки пенальти зарбаси белгилай олмайди.
 
Имо
-
ишоралар
 
Асосан ёрдамчи ҳакам қўли билан очиқ
-
ойдин ишора бериши керак эмас. Аммо баъзи 
вазиятларда қўл билан берилган яширин ишоралар ҳакамга ёрдам бериши мумкин. Қўл билан 
бериладиган ишора ҳақида ўйиндан олдин келишиб олиниши керак ва у бир хил маънога эга 
бўлиши зарур.