Ўйин қоидалари 2019/20 Ўзбекистон футбол ассоциациясининг расмий таржимаси The International Football Association Board

06-
ҚОИДА
 
УЧРАШУВНИНГ БОШҚА РАСМИЙ ШАХСЛАРИ
 
Учрашувнинг бошқа расмий шахслари (икки ёрдамчи ҳакам, захирадаги ҳакам, икки қўшимча 
ёрдамчи ҳакам, захирадаги ёрдамчи ҳакам, видеоёрдамчи ҳакам ва видеоёрдамчи
ҳакамнинг 
камида бир нафар ёрдамчиси) ўйинга тайинланиши мумкин. Улар ҳакамга учрашувни Ўйин 
қоидаларига мувофиқ бошқаришда ёрдам беришади, аммо якуний қарорни доим ҳакам қабул 
қилади.
Ҳакам, ёрдамчи ҳакамлар, захирадаги ҳакам, қўшимча ёрдамчи ҳакамлар ва захирадаги ёрдамчи 

---

ҳакам
учрашувнинг "майдондаги" расмий шахслари ҳисобланади.
Ҳакамнинг
видеоёрдамчиси ва видеоёрдамчи ҳакам ёрдамчиси учрашувнинг "видео" расмий 
шахслари ҳисобланади. Улар 
IFAB 
томонидан тасдиқланган VAR протоколига мувофиқ равишда 
ҳакамга ёрдам беришади.
Учрашувнинг расмий шахслари ҳакамнинг кўрсатмаси бўйича ҳаракат қилишади. Ҳаддан ташқари 
ноўрин аралашишганда ёки ўзини номуносиб тутишганда ҳакам уларни бажариб турган вазифасидан 
четлатади ва бу ҳақда тегишли ташкилотларга хабар беради.
Учрашувнинг "майдондаги" расмий шахслари (захирадаги ёрдамчи ҳакамдан ташқари) содир бўлган 
қоидабузарликни ҳакамга нисбатан аниқроқ кўрсалар, қарор қабул қилишда ҳакамга ёрдам 
берадилар. Шунингдек, улар содир бўлган, аммо ҳакам ва учрашувнинг бошқа расмий шахсларининг 
эътиборидан четда қолган интизомсизлик ёки бошқа кўнгилсиз ҳодисалар юзасидан тегишли 
ташкилотларга хабар беришлари керак. Бу ҳақда Билдирги тузишда улар ҳакамга ва учрашувнинг 
бошқа расмий шахсларига воқеа
-
ҳодисани батафсил таърифлаб беришади.
Учрашувнинг "майдондаги" расмий шахслари ўйиндан олдин майдонни, тўпларни ва ўйинчиларнинг 
экипировкасини текширишда (муаммолар аниқланса, уларни ҳал қилишда), ўйиннинг вақти, голлар, 
юзага келадиган интизомсизлик ва бошқа воқеаларни ёзиб боришда ҳакамга ёрдам беришади.
Мусобақалар регламентида учрашувни бошқара олмайдиган, давом эттира олмайдиган расмий 
шахслар ўрнини ким эгаллаши ва бу билан боғлиқ ҳар қандай ўзгаришлар аниқ ёзиб қўйилган 
бўлиши керак. Жумладан, ўйинни давом эттира олмайдиган ҳакамнинг ўрнини қайси ҳакам 
эгаллаши, яъни захирадаги ҳакам, биринчи ёрдамчи ҳакам ёки биринчи қўшимча ҳакам эгаллаши 
аниқ белгилаб қўйилган бўлиши керак.