Йиллар учун ж а м о а ш а р т н о м а с и

1.3. Мазкур Шартнома Иш берувчига ва СЭО ва ЖСБнинг барча ходимларига, шу жумладан, жамоа шартномаси кучга киргандан кейин ишга қабул қилинган шахсларга ҳамда ўриндошлик асосида ишлаётган ходимларга ҳам тадбиқ этилади. (Меҳнат Кодекси (кейинги ўринларда МК) нинг 42-моддаси)
Мазкур Шартномада назарда тутилган ҳолларда унинг айрим қоидалари қуйидагиларга нисбатан ҳам тадбиқ этилади:

• 
  ходимнинг оила аъзоларига;
  
• 
  ёшга доир пенсияга кетиши муносабати билан меҳнат муносабатлари иш берувчи томонидан бекор қилинган шахсларга;
  
• 
  касаба уюшмаси қўмитасининг штатдаги ходимларига;
  
• 
  фуқаролик-ҳуқуқий тусдаги шартномалар бўйича ишларни бажараётган шахсларга;
  
• 
  меҳнат вазифаларини бажариш билан боғлиқ ҳолда меҳнатда майиб бўлиши, жароҳатланиши, касб касаллигига чалинган ва меҳнат вазифаларини бажариш билан боғлиқ ҳолда соғлиғига бошқача тарзда шикаст етиши сабабли вафот этган ходим қарамоғида бўлган ва зарар тўловини олиш ҳуқуқига эга бўлган меҳнатга қобилиятсиз шахсларга.
  

1.4. Шартномага ўзгартириш ва қўшимчалар киритиш тарафларнинг ўзаро розилиги билан Меҳнат кодексида белгиланган тартибда амалга оширилади.
1.5. Меҳнат тўғрисидаги қонунлар ва бошқа норматив ҳужжатлар мазмунига қилинган ишораларнинг барчасида уларнинг мазкур Шартномани тузиш чоғидаги таҳрири назарда тутилган.
1.6. Иш берувчи барча ходимларни, шу жумладан ишга янги қабул қилинган ходимларни, жамоа шартномаси, шунингдек Касаба уюшма қўмитаси билан келишиб қабул қилинган СЭО ва ЖСБнинг бошқа локал ҳужжатлари билан таништириш, жамоа шартномасининг мазмунига ва бажарилиши шартларига оид маълумотлар ошкоралигини (мажлислар, конференциялар, масъул ходимлар ҳисоботлари, ахборот стендлари, тармоқ нашрлари ва ҳоказо орқали) таъминлаш мажбуриятини ўз зиммасига олади.
1.7. Иш берувчи янги ишга кираётганларни ишга қабул қилиш жараёнида ходимлар бўлими нозирлари орқали ички меҳнат тартиби қоидалари, жамоа шартномасининг мазмуни ва бошқа локал хужжатлар билан таништиришни таъминлайди. Илова-13

2.