1. 1998-йилда ўлган Пик тўтиқушида У 1728 қийматига тенг бўлган. Уни икки сўз билан айтинг?
Жавоб: Сўз бойлиги
Изоҳ: 1998-йил ўлган тўлқинсимон патли тўти Пик 1728 та сўзни билган.Бу ўртача 4 ёшли бола биладиган сўз миқдорига тенг.
2. Бу ўсимлик шарбати таркибида 20 фоиздан ортиқ шакар бор - бу ўсимликлар орасидаги энг кўп шакар миқдори унга тегишли эканлигини кўрсатади. Маҳаллий аҳоли кўп асрлар олдин унинг шарбатини йиғиб, ундан шакар олишган. Эндиликда у байроқнинг атрибутига ва маълум бир мамлакатнинг миллий рамзига айланган. Қайси мамлакат?
Жавоб: Канада (Заранг дарахти барги)
3. Кимёгарларнинг таъкидлашича, УНИНГ мустаҳкамлиги сири блокларнинг гуручга асосланган махсус қоришма билан маҳкамланганида экан. Уни топинг?
Жавоб: Буюк Хитой девори.
4. Дунё сув заҳираларининг кўп қисми - 98% - табиий равишда дунё океанида жойлашган. Иккинчи муҳим сув захираси Антарктида музликларидир. Дунёдаги учинчи сув захираси қайси мамлакатда жойлашган?
Жавоб: Дания (Гренландия назарда тутилган).
5. 1881-йил 2-июн куни Чарлз Готе исмли кимса АҚШ президенти Гарфилдни отади. Битта ўқ қўлига, иккинчиси танасига тегади. 1881-йил 19-себтябрда узоқ муддатли даволашдан кейин президент вафот этади. Судда Готе ўзини президент қотиллигида айбдор деб ҳисобламайди, балки у УЛАРНИ айблайди... У кимларни айблаган?
Жавоб: Врачларни.
Изоҳ: Шу вақт ичида Гарфилдни 16 врач даволаган, кўп ҳолларда гигиена ва санитария қоидалари бузилганди.
6. Абдулла Қаҳҳорнинг ,,Оғриқ тишлар” комедиясидан: ...У ширин! У ўлгурнинг тиши бўлса ўзини еб қўяр эди! Тўғри, тиши бўлмагани учун баъзи бировларнинг ақлини ялаб, виждонини сўриб юрипти-да!.. Диққат савол: У ни топинг.
Жавоб: Пул
7. ХХ аср бошларида япон туристларини кўп ҳолларда айғоқчилар сифатида қабул қилишган. Бу фикр пайдо бўлишига улар ҳар доим ёнида олиб юрадиган бир предмет сабаб бўлган. Қандай предмет?
Жавоб: Фотоаппарат.
8. Амир Темурнинг тўртинчи ўғли Шоҳруҳ Мирзо учта вилоят ҳокими ва империянинг молия ишларига жавоб берган. Жангларда унга ҳар доим қўшиннинг энг муҳим чекка қаноти ишонилган, агар Темур хавф остида қолгудек бўлса, у дарҳол ўз қўшини билан ҳукмдорни ҳимоя қилиши керак бўлган. Умуман олганда, у империяда муҳим фигура бўлган. Диққат савол: Унинг исми қандай маънони англатади?
Жавоб: Рух.
9. Шарқий Африка ҳудудларида яшовчи бир аҳоли вакиллари танкни илк марта кўрганларида, улар қувончдан "Фару! Фару!" деб қичқиришган, чунки танк уларга ўзларига таниш нарсани эслатганди. Уларнинг тилида "Фару" сўзи нимани билдиради?
Жавоб: Каркидон.
10. Америкалик актёр Вилли Смит фикри: "Голливудда ирқчилик йўқ. Сен оқ танлимисан ёки қора танлимисан бундан ҳеч ким ташвишланмайди. Барча фақатгина бир ранг ҳақида гапиради...". Қайси ранг?
Жавоб: Яшил (доллар ранги).
11. Депрессия билан курашувчи Австрия жамияти яқинда касалларга тузалишида ёрдам берадиган компакт-диск чиқарди. Ундаги ёзув 20 дақиқа давом этади. У нимадан иборат?
Жавоб: Кулги товуши.
12. Милиция маҳкамасида: - Нима бу порами? - Нега унақа дейсиз, бу УНИНГ юз йиллик юбилейига бағишланган откритка. Диққат савол: Кимнинг?
Жавоб: Бенжамин Франклин
13. Японлар жуда ҳам семиз одамни кўриб қолганларида "Бу одам худди У каби семириб кетибди..." дейишаркан. Уни топинг?
Жавоб: Сумочи.
14. Одатда шерлар ов қилишдан олдин буни қилади. Одамлар эса мия ҳароратини тартибга солиш ва стрессни энгиллаштириш учун буни қилади. Нима қилиш ҳақида гап кетмоқда?
Жавоб: Эснаш
15. 2009-йил январ ойида Англияда жуда кўп қор ёққан. Ушбу ҳолат бу сабзавот савдосининг 1,5 баравар ошишига олиб келди. Қайси сабзавот?
Жавоб: Сабзи.
Изоҳ: Улар қорбобо ясашган ва уларнинг бурнига сабзи керак бўлган.
16. Европанинг бир мамлакати аҳолиси шундай ҳазил қилади, бизда атиги иккита қўшни бор: битта қўшни - Испания. Иккинчисини айтинг?
Жавоб: Атлантика океани
17. Рус олими, академик Климент Тимирзаев қайси озуқа маҳсулотини инсон ақл-идрокининг энг буюк ихтироси деб атаган?
Жавоб: Нон.
18. Фаластиндаги Ғазо секторида бир неча йиллар аввал пуштиранг таксилар қатнови йўлга қўйилди. Диққат савол: Бу таксилар кимлар учун мўлжалланган?
Жавоб: Аёллар учун.
Изоҳ: Уларга бегона эркаклар билан машинада юриш ман қилинган, бунақа такси ҳайдовчилари аёллар бўлади.
19. Айтишларича, 10 ёшида Европада Авиценна номи билан машҳур бўлган Ибн Сино, ИКСни ёддан билган. Футурологларнинг фикрича, 2100-йилга келиб Еропанинг ҳар тўртинчи аҳолиси ИКС билан таниш бўлар экан. ИКСни ёзиб беринг?
Жавоб: Қуръон.
Изоҳ: футурологлар Европанинг янада исломийлашишини башорат қилмоқдалар.
20. Бу касб вакиллари ўз ишларини бажариш вақтида 4 смга узайишади, аммо уйларига қайтишда, улар яна аввлги одатий бўйига қайтишади. Қайси касб вакиллари ҳақида гап?
Жавоб: Космонавтлар.
