Жавоблар ўзбекистон тарихининг фан сифатидаги ўрни

148.Ўлка мусулмонларининг фавқулодда IV қурултойи. Туркистон мухториятининг ташкил этилиши. 1917 й.26-28 ноябр Кўкон шахрида Туркистон ўлка мусулмонларининг фавкулодда 4 курултойи бўлиб ўтди. Курултойда демократик мусулмон зиёлилар талаби билан Туркистон ахолисини европалик кисми вакиллиги хам тенг гукукли бўлиб, иштирок этдилар. Туркистонни бошкариш тузуми тўгрисидаги масала уч кун давом этган курултойнинг диккат марказида турди. Курултойда ўлканинг барча минтакалари ва кўпгина жамоат ташкилотларидан 200 нафардан ортик вакиллар иштирок этди. Унда вакиилларнинг сиёсий фаоллиги туфайли мухим масалалар юзасида кизгин мунозаралар бўлиб ўтди. Маълумки, мусулмонларнинг ушбу курултойи ва унда кабул килинган карорлар 10-йиллар давомида "миллатчилар гурухининг йигинида эълон килинган буржуа мухторияти" деб нотўгри талкин килиниб келди. Хужжатлар эса ушбу холнинг бутунлай акси бўлганлигини исботлаёйди. Масалан, Туркистон жадидларининг отаси саналмиш Махмудхўжа Бехбудий ўз маърузасида курултойнинг Туркистон халклари тарихида улкан ижобий, тарихий ходиса ва бурилиш даври эканлигини таъкидлаб, "Курултойимиз кабул килаётган карорлар шунинг учун хам ахамиятлики, унда Туркистон ахолисининг европалик вакиллари хам иштирок этмокдалар" дейди. Бехбудий курултой хайатида мусулмонлар билан бир каторда бошка миллий гурухларнинг хам вакиллари бўлишини ёклаб чикди. Курултойда Туркистонни бокариш шакли тўгрисидаги масала юзасидан сўзга чикканларнинг кўпчилиги Туркистонни мухтор республика деб эълон килинишини, бу эса ўлка ахолисининг ижтимоий максадларидан келиб чикканлигини унга мос тушишини ўктирди. Мухторият ва мустакиллик эълон килиш фикрини хамма кўллаб-кувватлади. Курултойда Туркистон Мухторияти Муваккат Кенгаши - хукумати тузилди. Унинг таркибига 12 кишидан иборат аъзолар сайланди: Мухаммад Танишбоев - Бош вазир, ички ишлар вазири; М. Ислом Шоахмедов - бош вазир ўринбосари; Мустафо Чўкаев - ташки ишлар вазири; Убайдулла Хўжаев - хврбий вазир: Юрали Агаев - ер ва сув бойликлари вазири; Обиджон Махмудов - озик-овкат вазири; Абдурахмон Уразаев - ички ищлари вазирининг ўринбосари; Соломон Герцфельд - молия вазири. Хукумат таркибига яна 4 киши - европалик ахоли вакиллари орасидан номзодлар белгиланди. Шунингдек, бу хукуматда Саидносир Миржалол ўгли хазиначи лавозимини эгаллади.