Javobgarlik sug’urtasi

Chiqarilayotgan mahsulot sifati uchun javobgarlik

Barcha sotuvchilar, ularning ishlab chiqaruvchi, vositachi yoki chakana savdogar hisoblanishidan qat’iyy nazar, tovarlar xaridorlari yoki mijozlar oldida mahsulotni iste’mol qilish oqibatida ularning salomatligiga ziyon keltirish va yetkazilgan zarar uchun javobgar hisoblanadi. Bu turdagi son-sanoqsiz risklar ichida bir nechta riskni ajratib ko‘rsatamiz:

yirik shoxli qoramol go‘shti va parranda go‘shti noto‘g‘ri qayta ishlangan yoki inson salomatligiga ziyon keltiradigan tarkibiy qismlardan iborat bo‘lishi mumkin;

elektr uskunalar noto‘g‘ri yig‘ilgan yoki sifatsiz detallardan qilingan, bu esa tok urishiga olib kelishi yoki yong‘in sababchisi bo‘lishi mumkin;

noto‘g‘ri markirovka qilingan pirotexnika mahsulotlari bolalarning jarohatlanishiga olib kelishi mumkin;

mashinalar va asbob-uskunalar talabga javob bermaydigan materiallardan yoki yig‘uv payti xatoliklar bilan tayyorlangan bo‘lishi mumkin;

soch turmaklashiga ishlatiladigan lak va bo‘yoqlar zararli aralashmalardan iborat bo‘lishi yoki noto‘g‘ri foydalanilishi mumkin;

gaz yoki kimyoviy moddalarning chiqib ketishi inson salomatligiga ziyon keltirishi yoki moddiy zarar yetkazishi mumkin.