Жас ҳӘм педагогикалық психология өзбекстан республикасы Жоқары ҳәм орта анраўлы билимлендириў ўәзирлиги Жоқары педагогикалық оқыў орынлары ушын оқыў қолланба

7-TEMA. СЕМЕЙНАЯ ПСИХОЛОГИЯ.

8-TEMA. ПСИХОЛОГИЧЕСКИЕ ОСОБЕННОСТИ ПЕРИОДА МОЛОДОСТИ ЗРЕЛОСТИ И СТАРОСТИ .

9-TEMA. ПСИХОЛОГИЧЕСКИЕ ОСНОВЫ ОБУЧЕНИЯ И ВОСПИТАНИЯ.

10-TEMA. ПСИХОЛОГИЯ УЧИТЕЛЯ.

УДК 159.9

ББК 88.3

J-26

Kirisiw

Ózbekstan Respublikası óziniń ǵárezsizligin jıl sayın jáhán kóleminde turaqlastırıp barar eken onıń keleshegi búgingi áwladtıń bilimdan mánáwiy jaqtan bárkamal insanlar bolıp jetilisiwine tikkeley baylanıslı. Bul orında insan ruwxıyatı nızamlılıqların úyretiwshi psixologiya páni ayrıqsha orındı iyeleydi. Insandı jámiyetimiz ushın tolıq paydalı hár tárepleme jetik insan sıpatında qáliplestiriw psixologiya ilimin ámeliyatta durıs baǵdarlaw júdá áhmiyetli sanaladı.

Bul qollanba pedagogikalıq joqarı oqıw orınlarında psixologiya pánlerin oqıtıwdıń zamanagóy kontseptsiyası tiykarında hám psixologiya páni baǵdarlaması tiykarında jaratılǵan.

Hámmege belgili jas dáwirleri hám pedagogikalıq psixologiya kursı psixologiya kursınıń áhmiyetli tarawı sıpatında insan psixikalıq protsessleriniń ontogenezdegi psixologiyalıq ózgesheliklerin hám adam shaxsınıń tálim-tárbiya sharayatında psixikalıq jaqtan rawajlanıwınıń hár bir dáwirine tán ózgesheliklerin úyretiwshi taraw esaplanadı.

Pedagogikalıq psixologiya - tálim hám rawajlanıwdıń ózara baylanıslılıǵı, tálimniń dúzilisi, oqıwshılırdıń oqıw hám biliw xızmetin qáliplestiriw hám de tárbiya psixologiyasınıń tálim-tárbiya protsessinde oqıwshı shaxsın hár tárepleme jetik insan sıpatında qáliplestiriw sıyaqlı áhmiyetli mashqalalardı úyrenedi. Bunda oqıw-tárbiya protsessleriniń ózine tán ózgeshelikleri zamanagóy tálim-tárbiya teoriyasınıń wazıypaları onıń etnopsixologiyalıq ózgeshelikleri hám de olar tárepinen jaratılǵan shaxs rawajlanıwınıń basqarıw imkaniyatları úyreniledi.

Onıń áhmiyetli wazıypaları - talabalarda psixologiyalıq-pedagogikalıq jaǵdaylardı nátiyjeli jobalastıra alıwǵa aqılıy hám shaxsıy rawajlanıwshı bilimlerin iyelewge, túrli jas dáwirlerinde psixikalıq nızamlılıqlardı durıs ańlap, psixologiyalıq izertlewler alıp barıwǵa, oqıwshılarǵa individual jantasa alıwǵa, bala psixikası rawajlanıwında túrli namaqul háreketlerdiń aldın alıwǵa.ata-analar, óziniń kásiplesleri hám balalar menen mádeniyatlı qatnasıqta bolıwǵa, psixologiyalıq jaǵdaydı durıs sheshiw sıyaqlı mashqalalardı unamlı sheshiwge qaratılǵan.

Bul qollanba dóretiwshilik jámáát tárepinen jaratılǵan bolıp «Jas hám pedagogikalıq psixologiya pániniń izertlew tarawı hám mashqalaları». «Ontogenezdıń dáslepki basqıshlarında insannıń psixikalıq rawajlanıwına say ózgeshelikleri» atlı temalardı E.Dawletmuratova, «Mektepke shekemgi jas dáwirlerde psixikalıq rawajlanıw ózgesheligi». «Kishi mektep jasındaǵı oqıwshılardıń psixologiyalıq ózgeshelikleri» atlı temalardı T.Esemuratova, G.Matmuratova, «O`spirimlik dáwirinde psixikalıq rawajlanıw ózgeshelikleri». «Erte jaslıq dáwirinde psixikalıq rawajlanıw ózgeshelikleri» atlı temalardı G.Bayniyazova, «Shańaraq psixologiyası», «Jaslıq, jetiklik hám kekselik dáwiriniń psixologiyalıq ózgeshelikleri» atlı temalardı D.Kurbanbaeva, «Tálim hám tárbiyanıń psixologiyalıq tiykarları», «Oqıtıwshı psixologiyası» atlı temalardı P.Abdalievalar tárepinen islep shıǵılǵan.