Жас ҳӘм педагогикалық психология өзбекстан республикасы Жоқары ҳәм орта анраўлы билимлендириў ўәзирлиги Жоқары педагогикалық оқыў орынлары ушын оқыў қолланба

Pedagogikalıq texnologiya tómendegi quramlı bóleklerge bólinedi:

- tálim-tárbiya qatnasıwshıları shaxsına qoyılatuǵın jmiyetlik talaplar;

- birge islesiwshi xızmet aǵzalarınıń kásiplik tayarlıǵı;

- tálim protsessiniń maqseti, mazmunı, áhmiyeti, ámelge asırıw quralları;

- tálim protsessin differentsiyalastırıw;

- dóretiwsheńlik.

Tálim texnologiyası insanıylıq printsiplerine tayanadı. Psixologiyada bul baǵdardıń ózine tán ózgeshelikleritalabanıń individuallıǵına ayrıqsha itibar beriw arqalı júzege keledi. Tálim texnologiyaların proektlestiriwde tómendegi tiykarǵı konseptual jantasıwlarǵa itibar beriw kerek:

- tálimniń shaxsqa baǵdarlanǵanlıǵı. O`z mazmunına qaray bul baǵdar tálim protsessindegi barlıq qatnasıwshılardıń tolıq rawajlanıwın kózde tutadı.

- sistemalı jantasıw. Tálim texnologiyası sistemanıń barlıq belgilerin ózinde biriktiriw zárúr, protsesstiń logikalılıǵı, ondaǵı bóleklerdiń ózara baylanıslılıǵı, birligi;

- ámeliy jantasıw. Shaxsta is júritiw ózgesheliklerin qáliplestiriwge tálim protsessin baǵdarlaw, oqıwshı xızmetin aktivlestiriw hám intensivlestiriw, oqıw protsessinde onıń barlıq uqıplılıqları hám imkaniyatların iske salıwdı shárt etip qoyadı;

- dialoglıq jantasıw. Tálim protsessindegi qatnasıwshı sub`ektlerdiń psixologiyalıq birligi hám ózara birge islesiwin jaratıw zárúriyatın belgileydi;

- Birgeliktegi tálimni shólkemlestiriw. Demokratiya, teńlik, sub`ektler múnásebetinde oqıtıwshı hám oqıwshınıń teńligi, maqset hám xızmet mazmunın birgelikte anıqlawdı kózde tutadı;

- mashqalalı jantasıw. Tálim protsessin mashqalalı jaǵdaylar arqalı kórsetiw tiykarında oqıwshı menen birgeliktegi aktivlestiriw usıllarınan biri. Bul protsesste ilimiy biliwdiń ob`ektiv qarama-qarsılıqların anıqlaw hám olardı sheshiwdiń dialektikalıq pikirlewin rawajlandırıw hám olardı ámeliy xızmette dóretiwshilikte qollaw támiyinlenedi.