Jarohatlanganda va shikastlanganda vrachgacha birinchi yordam

Tayanch iboralar:  jarohatlanish, qon ketishi, tashqi qon ketishi, yara, yod, jgut, 
ichki qon ketishi: puls urishi, kamdarmonlik, bosh aylanishi, rang oqarishi, kuchli 
suvsash, hushsizlik, vodorod peroksid.

Jarohatlanib yaralangan joyni ifloslanishi, yarani suv bilan yuvish, maz surtish, 
yaradan qonning qotganlarini olib tashlash va unga tuproq va qum qo‘yish mumkin 
emas. Birinchi yordam ko‘rsatuvchi shaxs dastlab qo‘lni tozalab yuvishi yoki 
barmoqlarini yod bilan artishi kerak. Yaraga material qo‘yishda unga dastlab yod 
tomizish lozim. Yaraga qo‘yiladigan materialdagi yod o‘rni yaradan katta bo‘lishi 
kerak. Yarani bog‘lashdan oldin uning atrofini tozalash va yara atrofiga yod surtish 
zarur.
Qon ketishni bog‘lab to‘xtatish mumkin. Agar qon kuchli ketsa qon oqayotgan 

---

joyni ta’minlovchi tomirlarni jgut (maxsus bog‘ich yoki tasma) bilan bog‘lash lozim. 
Jgut bog‘langan joyda puls urishi mavjud bo‘lsa, u noto‘g‘ri bog‘langan hisoblanadi. 
Bunday holda jgutni echib olib, qaytadan qattiqroq qilib bog‘lash kerak.
2.-расм. Qon oqishini to‘xtatish va jarohatga bog‘lam qo‘yish
Jgut boglashdan oldin boglanadigan joy yumshok materiallar bilan uralishi lozim. 
Bog‘langan jgut 2 soatdan ortiq turmasligi zarur. Jgut bog‘langandan so‘ng 1 soat 
o‘tgach, uni 10-15 minut sekin bo‘shatish kerak. Bunday holda yaraga qon keladigan 
arteriya qon tomirini barmoq bilan bosib turish lozim. 
Ichki qon ketish juda xavfli hisoblanadi. Uning belgilari: pulsning sekinlashuvi, 
kamdarmonlik, bosh aylanishi, rang oqarishi, kuchli suvsash, hushsiz bo‘lib kolish. 
Bunda dastlab, jarohatlangan kishiga to‘liq tinchlik berish va jarohatlangan joyga 
sovuqlik qo‘yish kerak. Suv berish mumkin emas.
Agar burundan kuchli qon ketsa, boshni sekin orqaga o‘girib qansharga sovuq 
bosish va burunga vodorod peroksidning 3% li eritmasida namlangan paxta yoki marli 
tiqish lozim.