- иккинчидан, маҳаллани аниқ йўналтирилган асосда аҳолини ижтимоий қўллаб-қувватлаш, хусусий тадбиркорлик ва оилавий бизнесни ривожлантириш марказига айлантириш, шунингдек, унинг давлат бошқарув органлари фаолияти устидан жамоатчилик назорати олиб бориш тизимидаги вазифаларини янада кенгайтириш муҳим аҳамият касб этади;
- учинчидан, давлат ҳокимияти ва бошқарув органлари томонидан қонун ҳужжатлари ижроси назоратини фуқаролик жамияти институтлари томонидан амалга оширишнинг самарали ҳуқуқий механизмларини яратиш, амалиётга дунёда тан олинган жамоатчилик назорати турлари ва шаклларини тадбиқ этиб, уларни амалга ошириш механизмларининг ҳуқуқий асосларини яратиш зарур;
- тўртинчидан, инсон ҳуқуқлари соҳасида миллий ҳаракат дастурини ишлаб чиқиш давр тақозосидир. Ушбу дастур, энг аввало, ҳуқуқни муҳофаза қилувчи органлар томонидан инсон ҳуқуқ ва эркинликларининг ҳимоя қилинишини таъминлаш, жамиятда инсон ҳуқуқлари маданиятини шакллантириш ва амалдаги қонунларга риоя этилиши устидан жамоатчилик мониторингини олиб боришга қаратилган чора-тадбирларни ўзида мужассам этади;
- бешинчидан, соғлиқни сақлаш, атроф-муҳитни муҳофаза қилиш, аҳолини, айниқса, ёшларни иш билан таъминлаш, ижтимоий ҳимояга муҳтож қатламларни қўллаб-қувватлаш ва шу каби катта социал аҳамиятга молик бошқа масалалар бўйича муҳим давлат дастурларини амалга оширишда нодавлат нотижорат ташкилотлари иштирокининг ҳуқуқий асосларини яратиб берадиган қонун ҳужжатлари мажмуасини ишлаб чиқиш долзарб аҳамият касб этмоқда.
Шуни таъкидлаш жоизки, мустақиллик йилларида фуқароларимизнинг тафаккури, дунёқараши, ижтимоий-сиёсий ва ҳуқуқий онги ўзгариши асносида демократик янгиланишларнинг даражаси ва суръати ўсиб бормоқда. Конституция ва қонунлар ҳуқуқий ҳаётнинг бош мезонига айланди. Давлатнинг бош ислоҳотчи сифатидаги конституциявий мақоми, функцияси қатъий назорат асосида миллий тараққиёт стратегиясини узлуксиз белгилаб бориш орқали ҳаётда жорий этишдан иборат, деб белгиланди.
Янгича тафаккур қонуний равишда Ўзбекистон мустақиллигини таъминлаш ва мустаҳкамлашнинг зарурий шартига айланди, мутлақо янгича моҳият касб этди. Ўз ўрнида, республикамиз раҳбарияти янгича тафаккурга кенг йўл очиб беришга интилмоқда. Ислоҳотлар халқ ҳаётини ўзгартира бошлади. Ҳаётдаги ўзгаришлар эса, ўз навбатида, одамларни янгича фикрлашга ўргатди, улар онгининг ўсишига хизмат қилмоқда. Миллий руҳ, онг ва тафаккурда рўй бераётган ўзгаришлар Ўзбекистонда очиқ фуқаролик жамияти асосларини шакллантиришнинг ҳал қилувчи омилига айланаётгани, шубҳасиз, ўз самарасини бериши муқаррардир.
Хулоса қилиб айтганда, ННТлар айни кунда жамиятимиздаги фаол куч-лардан бирига айланмоқца. Бу жараёнларни янада жонлаштириш учун эса, энг аввало, улар фаолиятини аниқ мақсадлар (давлат ва жамият манфаатла-ри)га йўналтириш ва бу орқали уларнинг жамоатчилик орасидаги обрў-эъти-борини ошириш лозим.
Миллий манфаатларимиз йўлида. . // "XXI аср". 2006 йил 6 апрель.
Do'stlaringiz bilan baham: |