Jannatda she’r yozsin Muhammad Yusuf



Download 60.3 Kb.
Sana12.01.2017
Hajmi60.3 Kb.
Muhammad Yusuf tavalludi munosabati bilan tayyorlangan “ Jannatda she’r yozsin Muhammad Yusuf ” mavzusidagi adabiy-badiiy kecha

ssenariysi

Videorolik (Muhammad Yusuf haqidagi)

1-boshlovchi: Qadim yurtga qaytsin qadim navolarim,

Qumlar bosib qurimasin daryolarim.

Alpomishga alla aytgan momolarim,

Ruhini shod etay desang, xalq bo‘l, elim.



2-Boshlovchi: (she’r)

Osmon diling orzulari turnaqator,

Ota meros yerning o‘zi bir iftixor.

Ostonangdan oftob chiqib, oftob botar.

Kunlaringga qaytay desang, xalq bo‘l, elim.

1-Boshlovchi: Assalomu-alaykum shu muhtasham dargohga tashrif buyurgan qalbi ummon, aziz Vatandoshlar.

2-Boshlovchi: Assalomu-alaykum o‘zbekning asl shoiri Muhammad Yusufning chin ma’nodagi muhtaram muxlislari.

1-Boshlovchi: Xush kelibsiz, o‘zbek xalqining ardoqli shoiri Muhammad Yusuf tavalludining 59 yilligi muhosabati bilan tayyorlangan “Jannatda she’r yozsin Muhammad Yusuf” mavzusidagi adabiy-badiiy kechaga. Ushbu tadbirimizni ochib berish uchun so‘z navbatini Navoiy viloyat pedagog kadrlarni qayta tayyorlash va malakasini oshirish instituti ma’naviy- ma’rifiy va ilmiy ishlar bo‘yicha prorektori Sodiq Hamidovich Quvondiqovga beramiz. Marhamat!

2-boshlovchi: Bugun o‘zbekning o‘z o‘g‘loni, she’riyat osmonida yo‘lchi yulduz bo‘lib porlagan, Vatan bedapoyalarini Rimlarga-da alishmagan, o‘z elini, xalqi, Vatanini chin farzandday, beg‘araz sidqidildan sevib, ardoqlagan shoir Muhammad Yusufni yodga olurmiz.

1-Boshlovchi:

Sen kimdan qizg’ongan eding dunyoni,

Sen kimning yo’lini turganding to’sib....

Bo’zlatib Bahodir Isoni,

Uvol ketding, do’stim,

Muhammad Yusuf...


O’zimga yetardi mening kulfatim,

Yana bir tomirim ketdi, ilg’adim,

Qo’limda qadah bor, yo’qdir ulfatim-

Uvol ketding, do’stim,

Muhammad Yusuf...

2-boshlovchi:

O’zbekdan chiqqan bir zo’r shoir eding,

Jayron shoir eding, sher shoir eding,

Millat bilan dardi bir shoir eding,

Uvol ketding, do’stim,

Muhammad Yusuf...


Qadoqqo’l ketmonchi tarafi eding,

Тarafi edingki, sharafi eding,

Yigirmanchi asr Mashrabi eding,

Uvol ketding, do’stim,

Muhammad Yusuf...

Sahna ko‘rinishi: “M.Yusuf zamondoshlari xotirasida” (Past ovozda musiqa yangrab turadi. ( O.Madaliev. Unutmoq osonmas bizlarni) O‘zbekiston xalq shoirlari va san’atkorlari M.Yusufni xotirlash uchun jamlandilar. Davra qurib shoir bilan o‘tkazgan damlari, birga o‘tkazgan uchrashuv kechalari ta’surotlarini yod olib uzoq suhbat qurarlar:
O‘zbekiston qahramoni, O‘zbekiston xalq yozuvchisi marhum Said Ahmad M.Yusufni yodlab shunday deydilar:…..(Oynazarov N – direktor o֮rinbosarlari kursi)

O‘zbekiston qahramoni, O‘zbekiston xalq shoiri Abdulla Oripov M.Yusufni o‘lim bevaqt olib ketganligidan afsus chekib, shoirni va ijodini shunday baholaydi……(Biologiya kursi tinglovchisi*******)
O‘zbekiston xalq shoiri Halima Xudoyberdiyeva M.Yusuf haqida dilidagi armon bo‘lib qolgan armonlari-yu, ko‘nglidagi aytolmagan so‘zlarini aytib……(Gulbahor ora)

O‘zbekistonda xizmat ko‘rsatgan artist G‘iyos Boytoyev M.Yusuf ijodiy hamkorlikning, ijodiy do‘stlikning chinakam shoiri edi….(To‘qliyev Naim - direktor o‘rinbosarlari kursi)

1- Boshlovchi: Shu kabi yuksak fazilatlari tufayli Muhammad Yusufni xalqimiz ardoqladi, Yurtboshimiz otalarcha mehr ko‘rgazdi. Uning xizmatlarini davlatimiz munosib baholadi. U O‘zbekiston Xalq shoiri edi. Keling azizlar M.Yusuf xotirasini yod etib bir daqiqa skut saqlaylik. (Hamma skut saqlaydi)

Hammasi: Muhammad Yusuf seni bevaqt o‘lim olib ketgan bo‘lsa ham, Sening she’rlaring, sening ijoding qalbimizda mangu yashaydi.

2- boshlovchi: Farishtangga guldan bir qalam yo’ndir

Erkalansa, o’zing erkala suydir,

Bir o’zi qolmasin qalblari o’ksib

Jannatda she’r yozsin Muhammad Yusuf.



Qo‘shiq: “ Muhammad Yusufga” ijro etadi ingliz tili kursi tinglovchisi Jalolova Farida

1-Boshlovchi: Yurtimizda Muhammad Yusuf nomini bilmagan, hech bo‘lmaganda uning she’rlarini, qo‘shiqlarini xirgoyi qilmagan o‘zbek bo‘lmasa kerak. Muhammad Yusuf chinakamiga Vatan ulug‘ligini osmonlarga ko‘targan, odamlarni kuldira olgan, gohida yig‘latgan shoir edi.

2-Boshlovchi: U tez og‘izga tushdi. Birorta shoir uningdek tez nom chiqarmagan, nomdor bo‘lmagan. Aslida, asl shoirlar uzoq yashamaydi, ammo ortidan abadiy yashaydigan meros qoldirib ketadilar. Bu kun Muhammad Yusufning o‘zi yo‘q, ammo uning mangu yashab qolgan she’riyati bor.

1-Boshlovchi: Bir arsloni o‘tdi O‘zbekning,

Ohi ko‘kka yetdi O‘zbekning,

Quyosh yig‘la, osmon, aza tut,

Muhammadi ketdi O‘zbekning.


2-Boshlovchi: Baland ketdi, shoniga ketdi,

Jannatning ayvoniga ketdi.

Turk yukini yelkalashay deb,

Yassaviyning yoniga ketdi.

Navbatni Muhammad Yusuf hayoti va ijodi haqidagi ma’lumotlarga beramiz:

( Ingliz tili kursi tinglovchilari ishtirokida)



  • Muhammad Yusuf 1954-yil 26-aprelda Andijon viloyati, Marhamat tumanidagi Qovunchi qishlog‘ida, oddiy dehqon oilasida dunyoga keldi. Muhammad Yusuf Marhamat tumanidagi o‘rta maktabni tugatgach, Respublika rus tili va adabiyoti institutiga o‘qishga kirdi va 1978-yilda mazkur institutni tugatdi.

  • 1978-1980-yillarda Respublika kitobsevarlar jamiyatida faoliyat ko‘rsatgan. 1980-1986-yillarda shoir “Toshkent oqshomi” gazetasida, 1992-1995-yillarda “O‘zbekiston ovozi “gazetalarida mehnat qilgan.

  • 1986-1992-yillarda shoir G‘afur G‘ulom nomidagi Adabiyot va san’at nashriyotida O‘zbekiston milliy axborot agentligida faoliyat ko‘rsatgan.

  • Muhammad Yusufning she’riyatga qiziqishi talabalik yillaridanoq boshlangan. Uning ilk she’riy to‘plami “Tanish teraklar” 1985-yilda nashr etilgan. Shoirning ilk she’riy to‘plami uni elga tanitdi. Shoir shu yillarda Nazira as-Salom bilan tanishdi va turmush qurdi.

  • Shoir Muhammad Yusufning 3 ta Ma’suda, Nozima va Madina ismli qizlari bor. Shoirning kenja qizi Madina ota izidan bormoqda.

  • 1998-yil shoir Muhammad Yusuf Xalq shoiri unvonini oldi.

  • Shoir 1997-yildan to umrining oxirigacha O‘zbekiston yozuvchilari uyushmasi raisi o‘rinbosari lavozimida mehnat qildi .

1-boshlovchi: Muhammad Yusuf buyuk qalam sohibi, o‘zbekning ko‘ksini kuydirgan shoir edi. U o‘z millatini, o‘z Vatanini, uning har bir giyohi, hatto xasini ham o‘zidan-da ortiq suyardi. U she’r qidirmasdi, she’r uni izlab kelardi.

2-boshlovchi: Muhammad Yusuf har soha va hamma mavzuda she’r yoza oladigan betakror qobiliyat egasi edi. Uning bunday iste’dod egasi ekanligini nafaqat ijodkorlar, shuningdek O‘zbekiston Respublikasi Prezidenti I.A.Karimov “Muhammadjon noyob iste’dod egasi, odamlarga mehribon, sofdil, mard va kamtarin inson edi”,- deb baho bergan edilar.

1-Boshlovchi:

Bobolar kalomi tilimda doim,

Sen ushun yuragim qo‘limda doim.

Sog‘inaman yo‘limda doim,

Vatan yagonasan dilimda doim

2-Boshlovchi:

Bahorlar o‘tadi, yozlar o‘tadi,

Osmonni to‘ldirib, g‘ozlar o‘tadi.

O‘zingdan o‘zga so‘z-sozlar o‘tadi,

Vatan yagonasan dilimda doim

Navbat Muhriddin Holiqovning “Erka qiz“ qo‘shig‘iga, raqsida Boshlang‘ich ta’lim kursi tinglovchisi Asadova Rohatoy .
1-Boshlovchi: Chinakam shoirning qalbida allaqanday sohir qush doimo sayrab turadi, degan gapni ko‘p bora eshitgandik. O‘sha qush aynan Muhammad Yusufning yuragida oshyon qurgan edi. Uning ko‘zlari ham, chehrasi ham hamisha latif bir kuyni honish qilganday edi.
2-Boshlovchi: Shoirlar ijodida Vatan haqida juda ko‘p yozilgani yaxshi albatta. Biroq yozmoq bilan yozmoqning farqi bor. Muhammad Yusufning bir she’rida “Yurtim seni iddaolar qilmay sevaman” deb aytganda qanchalar haq edi.

She’r : Ijro Bizdan ozod Vatan qoladi. ( Boshlang‘ich 1-guruh Hayitova Shahnoza)

O‘tаr nеchа bаhоrlаr gulgun.

Nеchа umr kuzlаri kеchib,

Zаmin uzrа sаf tоrtib bir kun.

Biz kеtаrmiz qushlаrdаy uchib.
Bir bebaho ma’dan qoladi,

Bizdan ozod Vatan qoladi.


Bizning manzil oq-oydin sahar,

Oftob sari yo‘limiz ravon.

Millat uchun kerak bo‘lsa gar,

Ming bir fido bo‘lmasa bu jon-


Jon chekmasang, qaydan qoladi,

Bizdan ozod Vatan qoladi.



She’r: Vatan (Tarix kursi Dilrabo, Farida)

Ey menga ertaklar so‘ylagan Zamin,

Ergashib izingdan qolmasman sening.

O‘zgalar nazdida Bog‘i Eraming

Jiydang yaprog‘iga olmasman sening.

Vatan, qayda bo‘lmay, sen hamrohimsan,

Bobolarim yotar sajdagohimsan.
Oftob kelin tushgan bog‘laring ko‘rkam,

Yalpizlar yastangan dala-dashtlaring.

Osmonga tutashgan oqterak o‘lkam,

Ko‘nglimda o‘zgacha sayru gashtlaring.

Vatan, qadrim uyi-xonaqohimsan,

Bobolarim yotar sajdagohimsan.



She’r: (Tarix kursi Dilrabo)

Bir to‘kilib tag‘in qomat tikladik,

Yelkalarga millat yukin yukladik.

Ozod vujudlarda ruh bo‘ldi bino,

Binolar o‘rnida davlat tikladik.

Qay kun tildan uchdi qadrdon kalom-

Dunyolarni quchdi o‘zbek degan nom!

Boshin ne toshlarga urdi bu diyor,

Necha vayron bo‘ldi, qurdi bu diyor.

Tojmahal me’mori, Nilning mirobi,

Imom Buxoriylar yurti bu diyor.

Bizni yo‘qlaganga bizdan ham salom,

Dunyolarni quchdi o‘zbek degan nom!
1-boshlovchi: G‘iyos Boytoyevning ”Ko`klamoyim” qo‘shig‘i, raqsida Boshlang‘ich ta’lim kursi tinglovchisi Ismoilova Inobat.
1-Boshlovchi: Muhammad Yusuf o’zining ko’plab she’rlarida muhtarama onajonlarni, go’zal opa-singillarni, lobar qizlarni madh etib, ularga bag’ishlab go’zal she’rlar yaratgan.

2-Boshlovchi: Ha, tarixning o’zi guvoh-ayol sha’niga qanchadan-qancha qasidalar, she’r-u dostonlar bitilgan bo’lmasin, toki dunyoda odamzod bor ekan, toki ona mehri, ayol muhabbati barqaror ekan, bu azaliy va abadiy mavzu hech qachon poyoniga yetmagay. Nega deganda, yaratganning buyuk mo‘jizasi bo‘lmish ayol zoti har qanday yuksak hurmat va tahsinlarga munosibdir.

1-Boshlovchi:

Ko‘nglim qolsa bulbuldan ham, guldan ham,

Qolar bo‘lsam bir kun axir tildan ham,

Agar bir zot yig‘lasa chindan ham –

Onam yig‘lar, onam yig‘lar, onam u…

2-boshlovchi:

Sig‘may qolsam shunday keng bu jahona,

Osmonlarga ruhim bo‘lsa ravona.

Jonsiz tanim ustida ham parvona –

Onam yig‘lar, onam yig‘lar, onam u…
1-Boshlovchi: Keling azizlar, siz bilan shoir qalamiga mansub onalar va ayollarni tarannum etuvchi, qalblarni larzaga soluvchi she’rlardan namunalar tinglaymiz.
She’r: “O‘zbekning ayollari” Asadova Roxatoy Boshlang`ich ta’lim kursi tinglovchisi

Ingliz tilida Suvonova Chinorgul ingliz tilikursi tinglovchisi

Uxlamaydi tunlari-

Oy nurlari taralgan

O‘zbekning xotinlari

Farzand uchun yaralgan.

Yildan uzun kunlari,

Kim kunglini so`rolgan.

O`z,bekning xotinlari

Mehnat uchun yaralgan.


Qirq yil qirg`in bo`lsa ham

O`z ahdida turolgan.

O`zbekning ayollari

Toqat ucgun yaralgan.


She’r: “Bor bo‘lsin”( Boshlang‘ich 1-guruh Uzukjamol )

Qiz bor uyning fayzi bo‘lak deydilar.

Jannat yo‘li- qiz bor yo‘lak deydilar.

O‘ngirimda o‘g‘lim yo‘q deb o‘ksimang,

Tog‘ bo‘lmasa qir ham tirgak deydilar.

Elning baxti botirlarga yor bo‘lsin.

Ominalar, Xolidalar bor bo‘lsin.
Qiz yo‘q yurtga ko‘klamlar sep to‘sharmi?

Kelini yo‘q to‘ylar to‘yga o‘xsharmi?

Qiz borki, o‘lka omon, qo‘rg‘on but,

Qiz kutmasa yigit olov kecharmi?

Jonlar ilhaq, ilinjlar tumor bo‘lsin.

Ma’sudalar, Mahzunalar bor bo‘lsin 190.1



She’r: “Oq ro‘mol qizlar” ( Boshlang‘ich 1-guruh Hayitova Shahnoza)

O‘tib turing ko‘chamdan goh-goh,

Ko‘ngil yayrar ko‘rganim sari.

Ey gulbadan, ey kiyiknigoh,

O‘zbekoyim nabiralari-

Oydin qizlar, oyjamol qizlar,

Oydan tushgan oq ro‘mol qizlar!...
Yerdanmi yo ko‘kdan so‘raymi,

Poyingizda jonim beraymi?

Sizni shunday ko‘rib quvonchdan

Yorilmagan yurak –yurakmi?...

Oydin qizlar, oyjamol qizlar,

Oydan tushgan oq ro‘mol qizlar!...


2-Boshlovchi: Qo‘shiq: Muhammad Yusuf she’ri . “O‘zbekning ayollari” ijro etadi boshlang‘ich ta’lim kursi tihglovchisi Jo‘rabekova Aziza
1-Boshlovchi: Shoir Muhammad Yusufning kenja qizi Madina ota izidan bormoqda. Vatan ulug‘ligi-yu yuragidagi dard, alam va armonlarini Muhammad Yusuf qalami bilan oqqa tushirib Madina Yusuf nomi bilan she’rlar yozmoqda.

2-Boshlovchi:

Qiz yo’q uyda sarin sabo esmaydi,

Qiz yo’q uyda jambil-rayhon o’smaydi.

Goho o’g’il o’z ishidan ortmaydi,

Qiz otasin har qadamda eslaydi.

Ko’zlarimga suray yurgan izingiz,

Qay o’g’ildan kamdir, ayting, qizingiz.
Sahna ko‘rinishi : Madina yolg‘iz ijod qilayapti ( Ho‘jayeva Matluba direktor o֮rinbosarlari kursi)

Eng baxtli damlarda, bosh bo‘lib bizga,

Duongizni kutardik intiqmiz sizga.

Merosiy qalamni abadiy tutib,

Oq yo‘l tilang Madina qizingizga.

Madina: Tun, yana bir oqshom. She’rlaringizni o‘qib turibman, lekin yonimda siz yo‘qsiz. Otajon, sizni juda sog‘indik.

Kuyib ketdi bag‘rim mening bir chora yo‘q,

Vujudimni yoqib borar bir lahja cho‘g‘.

Bolaligim, qayga ketdi kechagi sho‘x,

Otajonim ketganingiz rost bo‘ldimi.

Mening tog‘dek ko‘nglim cho‘kib past bo‘ldimi,

Qaroqlarim to‘lib qoldi tumanlarga.

Najot istab, uchgim keldi osmonlarga,

Madinangiz tashlab qaysi tomonlarga,

Otajonim ketganingiz rost bo‘ldimi?

Mening tog‘dek ko‘nglim cho‘kib past bo‘ldimi?

Suyib-suyib tashlab ketgan suyukligim,

Qizim degan yuraklari kuyikligim.

Tugar bo‘ldi poshsholigim, buyukligim.

Otajonim ketganingiz rost bo‘ldimi?

Mening to‘g‘dek ko‘nglim cho‘kib past bo‘ldimi?

Sizni istab topganlarim bo‘ldi firoq,

Diydoringiz osmondan ham bo‘ldi yiroq.

Bag‘ir to‘la zulmatimga yaqin chiroq

Otajonim ketganigiz rost bo‘ldimi?

Mening to‘g‘dek ko‘nglim cho‘kib past bo‘ldimi?

2-Boshlovchi: Qo‘shiq : Muhammad Yusuf she’ri . “Ota” ijro etadi boshlang‘ich ta’lim kursi tinglovchisi Jo‘rabekova Aziza

1-Boshlovchi: Muhammad Yusuf kamdan- kam tug‘iladigan iste’dod egasi bo‘lish bilan birga kamdan- kam shoirlarda uchraydigan hislat egasi ,- shuhratdan qochadigan kamsuqum odam edi. U shuhratni emas, shuhrat uning ortidan quvib yurardi.

2-Boshlovchi: Darhaqiqat, u o‘z elini, xalqi, Vatanini chin farzandday, beg‘araz, sitqidildan yaxshi ko‘rar edi. Shu mehrning natijasi o‘lroq, uning she’riyati ham xuddi shundoq beminnat va beg‘araz she’riyat sifatida maydonga keldi va bu oqko‘ngil, osmonqalb shoirimizdan huddi shunday she’riyat yodgor bo‘lib qoldi.

Sahna ko‘rinish : T.Sodiqova va Muhammad Yusuf
1-Boshlovchi: Xorazm lazgisi . Ijro etadi direktor o‘rinbosarlar kursi tinglovchisi To‘xliyev Naim, raqsida Atamurodova Shohida
1-Boshlovchi: Muhammad Yusuf baxtli, omadli shoir. Unga mustaqil yurtini, ozod xalqini ko‘rish nasib etdi. Yurtining eng ulug‘ bayramlarida uning qo‘shiqlari baralla yangraydigan bo‘ldi.

2-Boshlovchi: O‘zbekiston haqidagi she’rini yoshlar hatto o‘z madhiyalariga aylantirib yubordilar. Oq yo‘rgakka o‘ragansan o‘zing bizni,

Oq yuvib, oq taragansan o‘zing bizni.

Beshigimiz uzra bedor ona bo‘lib,

Kunimizga yaragansan o‘zing bizni.

Fidoying bo‘lgaymiz seni, O‘zbekiston,

Hech kimga bermaymiz seni, O‘zbekiston.


Marsiya Tarix kursi tinglovchisi ............................
Qushday bo‘lib quchog‘ingdan uchib ketdi,

Borsa kelmas manzillarga u ham yetdi.

Mushtoqdirmiz shoirning har bir so‘ziga,

Zor qilib ketdi-ku, shoir iziga.


Alvon-alvon zamon kelishin kutib,

Neki dard uchrasa qog‘ozga to‘kib.

Ta’na-dashnomlarni yurakka yutib,

Elim, shoir seni tashlab ketdi-ku?!


Ichiga yutibdi hamma alamin,

Alamlari ila charxlab qalamin.

Xalqidan ayamay to‘g‘ri kalomin,

Elim, shoir seni tashlab ketdi-ku?!

She’riyat bog‘idan uzildi bir gul,

Yurtim,vasfingni xo‘p kuylagan bulbul.

Bog‘dan- bog‘ga ko‘chib yurmagan,

Yoddan chiqarmasmiz shoirni butkul.

Xursand bo‘lib elining bayramlariga,

Sherik bo‘lib uning anduh-g‘amiga.

Chidolmayman bu dunyoning dardlariga,

Muhammad Yusuf, bizni tashlab ketdi-ku…



2-Boshlovchi: Navbat Muhammad Yusufning “To’n” haqida she’riga. Boshlang’ich ta’lim kursi tinglovchisi Qurbonova Gulbahor
1-Boshlovchi: Shuning bilan elimizning ardoqli farzandi, buyuk qalam sohibi Muhammad Yusuf tavalludining 59 yilligiga bag‘ishlab “Jannatda she’r yozsin Muhammad Yusuf” mavzusida tayyorlangan badiiy-adabiy kechamiz nihoyasiga yetganini aytib, sizlarni barchangizni qo’shiqlar guldasdasini tinglashga va ommaviy raqsga taklif etamiz!

( Yoshlar madhiyasi qo‘shig‘i ijro etiladi)

Do'stlaringiz bilan baham:


Ma'lumotlar bazasi mualliflik huquqi bilan himoyalangan ©hozir.org 2017
ma'muriyatiga murojaat qiling

    Bosh sahifa