Jahon tarixi kafedrasi

I. O'quv fanining dolzarbligi va oliy kasbiy

ta'limdagi o'rni

“O'lkashunoslik” fani talabalarga O'zbekiston Respublikasi va uning ma'muriy-hududiy bo'linishi, geografik o'rni, iqlimi, tarixi va tarixiy obidalari, buyuk siymolari, jahon miqyosidagi siyosiy o'rni, madaniyati, urf-odatlari, iqtisodi, sporti, madaniy boyliklari va millatlararo munosabatlari, xalqaro tashkilotlar bilan hamkorligi haqida ma'lumot beradi, talabalarning vatanparvarlik fazilatlarini rivojlantirishga hissa qo'shadi.

“O'lkashunoslik” fani gumanitar va tabiiy-ilmiy fanlar blokiga kiritilgan kurs bo'lib, 4-semestrda o'qitilishi maqsadga muvofiq. Fan doirasida o'zlashtirilgan bilimlar talabalarning kelgusidagi kasbiy faoliyatlarida, xususan, gid-tarjimonlik faoliyatlarida muhim ahamiyat kasb etadi.