Jahon iqtisodiyoti va xalqaro iqtisodiy munosabatlar fanidan

Xalqaro savdo tashkilotining taxminlari

XST: 2014 yilda xalqaro savdo hajmlari 4,7 foizga o'sadi

2014 yilda xalqaro savdo hajmlari 4,7 foizga o'sadi, deya keltirilmoqda Xalqaro savdo tashkiloti tomonidan chop etilgan prognozda.

Bu holat 2013 yil yakunlariga nisbatan ikki barobarga ortishni namoyon qiladi. O'tgan yili xalqaro savdo hajmlari atigi 2,1 foizga o'sgan va 18,8 trln. AQSh dollariga tenglashgan edi. Biroq joriy ko'rsatkich ham so'nggi 20 yildagi o'rtacha ko'rsatkichdan (5,3 foiz) past bo'lib qolmoqda, deya xabar bermoqda Tashkilot.

Joriy yilda global eksport-import amaliyotlariga XST mutaxassislari tomonidan ko'tarinki ruhda qaralishiga bo'lgan sabab quyidagicha: “AQSh iqtisodiyoti mustahkamlanishi davomida iqtisodiy ko'rsatkichlarning sezilarli yaxshilanishi hamda Yevropa Ittifoqi tanglikning o'tkir fazasidan o'tganligi”.

Tashkilot mutaxassislari o'z prognozlarida dunyo iqtisodiyotidagi umumiy vaziyatdan kelib chiqmagan holda, 3,0 foiz darajasida global Yalpi ichki mahsulot (YIM) o'sishini nazarda tutmoqda. “Agar YIM bo'yicha prognozlar to'g'ri chiqsa, 2014 yilda xalqaro savdo hajmlarining keng qamrovda, lekin mo'tadil o'sishi kutilmoqda”, - deya tushuntirdi XST Bosh direktori Robertu Azevedu. Uning aytishicha, 4,7 foizga o'sish – “bu hali tarixiy daraja emas, ammo o'tgan yildagiga nisbatan yaxshiroq”.

Prognozlarga ko'ra, joriy yilda rivojlanayotgan mamlakatlar va MDH davlatlari eng yaxshi ko'rsatkichlarni namoyon qiladi. Ulardagi savdo hajmlari 6,4 foizga o'sgan bir vaqtda, rivojlangan davlatlardagi savdo hajmlari 3,6 foizga oshadi.

Eksport sohasida Osiyo mamlakatlari yetakchi o'rinda qoladi (6,9 foizga o'sish), ulardan keyin Shimoliy Amerika (4,6 foiz), Janubiy va Markaziy Amerika (4,4 foiz) hamda Yevropa (3,3 foiz) turadi.