Jahon adabiyotining bestselleri markus zusak

* * *
— Awalo eng muhim ishlami bajarib qo‘yaylik, — dedi o‘sha ke- cha Hans Huberman va choyshabni yuvib qurishi uchun osib qo‘ydi. — Xo‘sh, endi esa yarim tungi darsimizni boshlaymiz, — xitob qildi u iziga qaytarkan.
Shiftdan tushayotgan sarg‘ish nur ostida chang zarralari o‘ynoqlardi. Lizel uyalganidan yerga kirgudek bo‘lib sovuq va toza choyshab ustiga o‘tirdi. To‘shagini ho‘llab qo‘ygani xayolidan ketmasa ham u kitobni o'qimoqchi edi. Ha, Lizel kitob o‘qimoqchi edi. Unda yengil hayajon pay- do bo‘ldi. O‘n yoshli mutolaa dahosining yuzida barq urgan o‘zgarishlar chiroq yorug‘ida yaqqol ko‘rinib turardi.
Qani endi, o‘qish shu qadar oson bo‘lsa.
— Rostini aytsam, mening o‘zim ham unchalik yaxshi kitobxon emasman, — otasi oldindan ogohlantirib qo‘ydi.
Ammo Lizel uning sekin o‘qiganiga aslo e’tibor bermadi. Aksincha, otasining o'qish tezligi o‘rtacha darajadan pastligi uning so‘zlar ma’nosini kengroq tushunishiga yo‘l ochdi. Lizelning savodsizligini hisobga olganda sekin o‘qishning o‘zi ham yetarli edi.
Shunga qaramay, Hans Huberman dastlab kitobni qo‘llariga olib varaqlaganida, o‘zini xiyol noqulay his qilgandek bo‘ldi.
U karavot tomon yurib kelib, qizining yoniga cho‘kdi va oyoqlarini