Jagʻ-jagʻ, oddiy jagʻ-jagʻ,achambiti (Capsella bursa-pastoris (L.) Medik.) karamdoshlarga mansub bir yillik begona oʻt turi maʼlum. Oʻzbekistonda turi C. bursa-pastoris uchraydi

2.3 Oddiy jagʼ-jagʼ, (Pastushya sumka) tibbiyotdagi ahamiyati

Ovqatga jagʼ-jagʼning yangi koʼkargan barglari ishlatiladi. Bargidan somsaga masalliq, pyure, sous tayyorlanadi. Uni borsh, sabzavotlardan tayyorlanadigan salatlar, vinegretlar, turli suyuq ovqatlarga qoʼshadilar. Jagʼ-jagʼning yosh, nozik barglari salatlarga yaxshi, nozik, yoqimli oʼtkir va sarimoqpiyoz hidini beradi.

Bahorda xalqimiz jagʼ-jagʼning yosh barglarini yalpiz bargi, ismaloq va boshqa yovvoyi holda oʼsadigan oʼsimliklar barglariga qoʼshib, ulardan koʼk somsa va chuchvara pishiradi.

Uch oy davomida qishdan soʼng organizm vitaminlarga, organik kislotalar, mineral moddalar, fermentlar va boshqa moddalarga muhtoj boʼlib chiqqan vaqtda jagʼ-jagʼ bargini ovqatga ishlatishni ahamiyati katta. Organizmga kerakli boʼlgan biologik faol moddalarni erta bahorda oʼsib chiqqan oʼsimliklarning yosh barglaridan, shu jumladan jagʼ-jagʼ bargidan olish mumkin. Jagʼ-jagʼ ishtaxa ochadi, meʼda shirasini ajralishini yaxshilaydi, yengil surgi va oʼt haydash taʼsirini koʼrsatadi.

Yer ustki qismi tarkibida qandlar, flavonoidlar (diosmin va boshqalar), organik (limon, olma, fumar, vino) kislotalar, efir moyi, saponinlar, vitamin S, V2 va K, karotin, inozit, xolin, atsetilxolin, oshlovchi va boshqa moddalar bor. Urugʼi oʼz tarkibida 28 foizgacha yogʼ va oz miqdorda siningrin glikozidi saqlaydi.