Jadal usulda anor yetishtrishning vazifalari

Xosilga kirgan anorzorlarda kuzgi agrotexnik tadbirlar
Anor tupi to’g’ri shakllantirib borilganda ekilgandan so’ng to’rtinchi yilda
bo’lg’usi hosilli tup shaklini oladi. Yaxshi parvarish kilingan anor bog’larida hosil sentyabr-oktyabr oylarida pishib yetiladi. Mevalarni yig’ishtirish sentyabrning birinchi yarmidan boshlanib oktyabr oyining birinchi yarmigacha davom ettiriladi.
Chunki anor bir vaktda pishib yetilmaydi shuning uchun xosilning 7-10 kun
oralatib ikki uch marta teriladi. Yig’ishtirishda meva bandi bog’ qaychi bilan avaylab kesib olinib bir yo’la idishga solinib olib chiqib ketiladi yoki anor tupi ostiga yerga ohista qo’yiladi. Mevalarni yig’ishtirishda har qanday turdagi shikastlanishga yo’l ko’ymaslikka harakat qilinadi. Chunki muddatli saqlashga va uzoq masofaga jo’natishda faqat shikastlanmagan mevalargina yaroqli hisoblanadi.
Kuz faslida sug’orishlar soni keskin kamaytirilib, oktyabr oyining
o’rtalarida (21 sentyabrdan -21 oktyabrgacha) bir marta mezom suvi beriladi.
Mezom suvining ahamiyati alohida bo’lib bu davrda bog’larda kelgusi yil uchun
hosil va o’suv elementlarining shakllanishi jarayoni kechadi.
Vegetatsiya davridagi har bir sug’orishdan so’ng tuproq holatiga qarab
jo’yaklarda yerning yuza qismi chirigan go’ng, somon, kompost berish bilan
yumshatiladi. Aytib o’tilgan mahalliy o’g’itlarning berilishi tuproq tarkibini
boyitishi bilan birga uning suv va havo o’tkazuvchanligini barqarorlashtiradi.
Kuzda anor hosili yig’ishtirib olingach tuproq go’ng va fosforli o’g’itlar
bilan o’g’itlanib sug’oriladi. Kech kuzgi sug’orishni yerda muzlash kuzatilguncha
davom ettirish mumkin. Bu davrda ya’ni kech kuzda tabiatda yer ustida havo
harorati yer osti haroratidan past, sovuq bo’lganligi uchun suv yer ostiga chuqur
singib bir yo’la tuproq yuza qatlamidagi sho’rlanishni ham pastki qatlamga yuvib
tushiradi yoki zovur, drenajlarga chiqarib yuboradi