Жабборов, Рустам 100 жумбоқли ҳикоя / Рустам Жабборов. Тошкент: Янги

ГУМОНДОР МАШИНАНИНГ РАҚАМИ
...Воқеа ўттиз-қирқ йилча аввал Европанинг кичик 
шаҳарларидан бирида юз берганди. Бир ҳафтадирки 
шаҳар полициясининг уринишлари натижа бергани йўқ. 
На ўғрилардан хабар топилди, на уларнинг машинаси 
ҳақида пичоққа илингулик маълумот қўлга киритилди. 
Капитан рутбасидаги шаҳар полиция бошқармаси 
бошлиғи жиноят ишига оид ҳужжатларга, эҳтимолки, 
юзинчи марта кўз ташларкан, асабий пешонасини ти-
риштирди.
Воқеа шундай бўлганди: куппа-кундуз куни шаҳар 
чет роғидаги банк бўлинмасига иккита ниқобли босқин-
чи бостириб кирган. Банк ходимларига тўппонча ўқта-
либ, бор пулни халтага жойлаганча, бинодан ўқдек учиб 
чиқиб кетишган. 
Банк ходимларидан тайинли маълумот қўлга кири-
тилмади. Чунки босқинчиларнинг ҳақиқий башарасини 
ҳеч ким кўрмаган. Иккови ҳам ёш йигит бўлгани тахмин 
қилинади, холос. Кузатув камералари эса у пайтларда 
ҳали у қадар оммалашмаганди. Босқинчилар чиқиб ке-
тиши билан банк ходимлари полицияга хабар қилишган. 
Аммо полиция ходимлари етиб келган чоғда босқинчи-
лардан ном-нишон қолмаганди. 
Гарчи кундузи бўлса-да, кўчада мижоз кутиб ўтирган 
такси ҳайдовчисидан бошқа ҳеч ким бўлмаган. У банк бў-
линмаси биносидан югуриб чиққан икки кишининг йўл 
четида турган қоп-қора «Ауди»га ўтириб қочишганини 
ўз машинасининг ён ойнасидан кўриб қолган. Уларнинг 
ҳаракатлари шубҳали туйилгани учун такси ҳайдовчиси 
шу заҳоти ёнидан қоғоз-қалам олиб, босқинчиларнинг 
машина рақамини ёзиб қўйган: НО 0808 ХА. Такси ҳай-
довчисининг кўрсатмасига биноан Йўл патрул хизмати 
бошқармасига тезкор хабар берилди. Қизиғи, бундай 
рақам ҳали давлат Йўл патрул хизмати томонидан ҳеч 

---

165
«
100 жумбоқли ҳикоя
»
кимга берилмаган ва рўйхатга олинмаган. Бундан чиқа-
дики, ё машинага ўрнатилган рақам сохта бўлган, ё...
Полиция бошқармаси бошлиғи миясига нимадир 
ярқ этиб урилди-ю, бир қалқиб олди. Гувоҳнинг кўрсат-
масини яна бир марта ҳижжалаб ўқиб чиқди ва дарҳол 
Йўл патрул хизмати бошлиғига сим қоқди. Гўшакни 
бош лиқнинг ўзи кўтарди.
– Ҳайдовчининг кўрсатмасига бироз тузатиш кири-
тадиганга ўхшаймиз, – деди полиция бошлиғи. – Сези-
шимча, у машина рақамини белгилашда хатога йўл қўй-
ган. Мен сизга бошқа бир рақам айтаман!
Полиция раҳбарининг тузатишига асосан, йўл патрул 
хизмати ходимлари тегишли рақам бўйича машина-
ни излашга тушдилар. Бу гал иш анча осон кўчди. Янги 
рақам қўшни вилоятда рўйхатга олинган «Ауди» маши-
насига тегишли бўлиб, ҳодиса юз берган куни эрталаб 
шаҳарга кириб келган. Мазкур машина мамлакатдаги 
йирик талончилар тўдасининг икки нафар аъзоси томо-
нидан ижарага олинган экан. Икки кун ичида босқинчи-
лар қўлга олинди ва жавобгарликка тортилди. 
Айтинг-чи, босқинчиларга тегишли машинанинг 
ҳақиқий рақами қандай бўлган? 
Саксон олтинчи ҳикоя