J. Ya. Jo’rayev, I. Maqsudov

Tuya  suti  yog’ining  solishtirma  og’irligi  0,91-0,93.
      Tuyaning 
yangi  sog’ilgan  sutining  kislotaliligi  16-18  T.  U  tuqqandan  keyin 
birinchi kungi sutining kislotaliligi 43 T, 5-6 kundan keyin 19 T bo’ladi, 
sog’in davrining oxirlarida kislotaliligi 15-17 T ga teng keladi. Tuya suti 
S  vitaminga  boy.  G.K.Xo’jaquliyev  va  S.R.Yakodinskayalarning  1964 
yilgi  tekshirish  ma’lumotlarga  ko’ra,  bir  o’rkachli  tuyalar  sutining 
tarkibida – 0,343-0,437 mg/l A vitamin 0,95-1,88 mg/l vitamin va 57,4-
79,0 mg/l S vitamin bor.                                                                                   
Tuyalar sutining oqsil moddasidagi aminokislotalarni birinchi bo’lib 
P.V.Kuchenev  1958-1960  yillarda  tekshirgan.  Tuya  suti  oqsil  moddasi 
tarkibida arginin, lizin, gistidin, fenilalaning, metionin, leysin, glyutamin 
va  asparagin  kislota,  valin  va  glisin  aminokislotalar  ko’pligi  bilan  sigir 
sutidan  farq  qiladi.  Tuya  suti  ikkinchi  o’rinda  turadi.  G.S.Inixov 
tekshirishga  ko’ra  tuya  suti  tarkibidagi  kul  moddasi  sigir  suti 
tarkibidagiga yaqin turadi.                                                                       
Tuya  sutining  kulida  30%,  sigirnikida  esa  24%  fosfor  kislota, 
tuyanikida 25% kalsiy oksid, sigirnikida esa 20-23% bor.                                                                                                              
Tuya  suti  fosforli  va  kalsiyli  tuzlarga  boy  bo’lganligidan  yosh 
bolalarga  va  yosh  hayvonlarga  zarur  muhim  oziqdir.  Undan  tashqari, 
tuya  sutidan  qimmatbaho  ichimliklar:  shubat,  chaya,  kefir;  oshqozon 
achitqili suzma, smetana, yog’ va pishloq tayyorlanadi. Shubat va chaya 
ichimligi  chanqoqni  bosadigan,  ishtaxani  ochadigan  va  kishini  tetik 
tutadigan  ichimlikdir.  Tuya  sutidan  tayyorlangan  ichimliklar  ot  sutidan 
tayyorlangan qimizga qaraganda kuchli kaloriyali va yaxshi hisoblanadi.