Ж. Кудайбергенов 2000 йилда Бердах номидаги Қорақалпоқ давлат

---

Ж.Кудайбергенов 2000 йилда Бердах номидаги Қорақалпоқ давлат 
университети Иқтисодиёт факультетини “Молия ва кредит” йўналиши бўйича 
имтиёзли диплом билан тамомлаган. 
2000 йилда Ўзбекистон Республикаси Президентининг “Умид” 
жамғармасининг грантини қўлга киритиб, Буюк Британиянинг Бирминген 
Университетига магистратура босқичида ўқиш учун юборилган. 2001 йилда 
“Давлат иқтисодий менежменти ва молия” мутахассислиги бўйича магистр 
даражасини олган. Европа иттифоқи Эрасмус+ лойиҳасининг олий таълим 
тизими ислоҳотлари бўйича маҳаллий эксперти ҳисобланади. Европа ва Буюк 
Британиянинг етакчи олий ўқув юртларида доимий равишда малака ошириш 
ва қайта тайёрлаш курсларида, шунингдек, таълимга оид семинарларда 
иштирок этади. 
Иқтисод фанлари номзоди, доцент. Тўққиздан ортиқ илмий-услубий 
ишлар, шу жумладан, 2 та ўқув-услубий ишланмалар, коллежлар учун 2 та 
ўқув қўлланма, 4 та илмий-услубий қўлланма ва 1 та монография муаллифи.
Хорижда таҳсил олган ёш мутахассисларнинг 4-конференциясида 
“Валюта курси ўзгариши динамикаси таҳлили ва унинг Ўзбекистон 
иқтисодиёти ривожланишига таъсири” мавзусидаги илмий маърузаси учун 
Ўзбекистон Республикаси Президенти “Истеъдод” жамғармасининг 1-
даражали дипломи билан тақдирланган.
Ҳозирги кунда “Халқаро валюта тизимининг беқарорлиги шароитида
миллий валюта барқарорлигини таъминлашнинг концептуал асослари” 
мавзусида докторлик диссертацияси устида илмий изланишлар олиб 
бормоқда. 
Олий таълим тизимидаги меҳнат фаолиятини 2003 йилда Тошкент молия 
институти “Молия бозори ва қимматли қоғозлар” кафедрасида катта ўқитувчи 
лавозимида бошлаган. 2008-2010 йиллар давомида мазкур кафедранинг 
мудири лавозимида, 2010-2014 йиллар давомида “Ҳисоб ва аудит” факультети 
декани лавозимида фаолият олиб борган. 2014 йилдан 2017 йилгача Олий ва 
ўрта махсус таълим вазирлигида бош мутахассис, бўлим бошлиғи ва бошқарма 
бошлиғи лавозимларида ишлаган. 2017-2018 йиллар давомида Вазирлар 
Маҳкамаси ҳузуридаги Таълим сифатини назорат қилиш давлат 
инспекциясида бош бошқарма бошлиғи сифатида фаолият олиб борган. 2018 
йил охиридан бошлаб Тошкент шаҳридаги Ёджу техника институти ректори 
лавозимида фаолият олиб бормоқда.