Izlanishlar, yechimlar

37
XALQ TA’LIMI:
MUAMMOLAR, IZLANISHLAR, YECHIMLAR
“Farzandingizni pandemiya sharoitida maktabga yuborishga tayyormisiz?” 
nomli so‘rovnomada shu vaqtga qadar 695 mingdan ziyod ovoz berilgan bo‘lib, 
so‘rovnoma ishtirokchilarining 68 % “Yo‘q, men uchun farzandimning sog‘ligi 
muhimroq, onlayn maktab orqali o‘zim o‘qitishga yordam beraman”, degan 
javobni tanlagan.
2020/2021-o‘quv yili 329 ta maktabda 7-sentabrdan, 2 ming 635 umumta’lim 
maktabi 14-sentabrdan ota-onalar talabiga ko‘ra an’anaviy, shu bilan birga 
masofaviy shaklda ish faoliyatini boshladi.
O‘zbekiston Respublikasi Xalq ta’limi vazirligi tomonidan yurtimizdagi 
barcha umumta’lim maktablari uchun «Kundalik.com» tizimi joriy etildi.
May oyida maktablar yopiq bo‘lishiga qaramay, maktab yoshidagi bolalarning 
deyarli barchasi ta’limiy va o‘quv mashg‘ulotlariga jalb etilgan edi (97%). Iyun 
oyida ko‘pgina ta’limiy tadbirlar maktab ta’tili davrida to‘xtatildi va farzandlarining 
ta’limiy mashg‘ulotlarga jalb etilganligini belgilagan respondentlar soni 
67%gacha qisqardi. Respondentlarning aksariyati (69%) masofadan tashkil 
etilgan mashg‘ulotlardan o‘rta hisobda qoniqqanligini bildirgan va faqat 8 %gina 
o‘rta hisobda yoki butunlay qoniqmagan. Biroq, pandemiya boshlangan vaqtdan 
buyon o‘z farzandlariga sifatli ta’lim bera olish qobiliyatidan xavotirlanishini 
bildirgan respondentlar ulushi 5 %lik punkt miqdorida o‘sgan.
Bolalar uchun mo‘ljallangan o‘quv tadbirlarining aksariyati mashg‘ulotlarning 
asosiy shakli bo‘lib hisoblangan televizion ta’limiy dasturlar shaklida ifodalangan 
edi, bu may oyida olingan javoblarning 87 %iga to‘g‘ri kelgan. Mobil o‘quv 
dasturlari 6 % respondentlar uchun o‘qitishning asosiy metodi bo‘lib xizmat 
qilgan, ayni vaqtda o‘qituvchilar tomonidan individual topshiriqlar yuzasidan 
o‘tiladigan yoxud repetitor mashg‘ulotlarini yana 5 % respondent belgilagan.

---

38
A.AVLONIY NOMIDAGI XALQ TAʼLIMI 
MUAMMOLARINI O‘RGANISH VA ISTIQBOLLARINI 
BELGILASH ILMIY-TADQIQOT INSTITUTI
Aholi orasida televideniyedan foydalanish imkoniyatining yuqori darajasi 
(89 % dan ortiq) ushbu formatning alohida ommabopligiga sabab bo‘ladi. 
Smartfonlardan foydalanish imkoniyati oilalarning 70dan oshiqroq foizi uchun 
mavjud va oilalarning yarmiga yaqini mobil internetdan foydalanish imkoniga 
ega ekanliklarini ko‘rsatgan. 15 %ga yaqin respondent personal kompyuter 
yoki noutbukka ega ekanini belgilagan; mazkur respondentlarning aksariyat 
ko‘pchiligi yuqori daromadga ega oila xo‘jaliklari vakillaridir va 8 % ishtirokchilar 
uylariga internet tarmog‘i o‘tkazilganligini ko‘rsatganlar.