Izbullaeva indd

Орзу­ҳавас, хоҳиш­истак борасида:
Орзу қил, лекин бир оз ҳаддингни бил,
Бир сомон чўп бирла тоғни йиқмагил. 
Кўза бор эрканда сув йўқ эрди, бас,
Сув топилди – кўзага етди шикаст. 
Бу жаҳон – тоғ, феълу атворинг – нидо, 
Ул нидони сенга қайтаргай садо. 
Ҳар нафас кўксингда пайдо бир нафас,
Боиси – жисмингда жондир, пурҳавас. 
Бағри кенглик борасида:
Бағрикенг бўлса киши ҳам кўнгли соф,
Ҳар шаҳардин унга боққай офтоб. 

---

ИЛОВАЛАР
189
Қўрқиш борасида:
“Қўрқмагил” сўзи ажиб сийловкалом,
Кимки қўрқмишдир, бу сўз – аввал таом.
Кимки қўрқмишдир, анга эмин керак,
Кўнглига бир далдаи сокин керак.
Қўрқмаганга “қўрқмагил” деб айтма, бас,
Дарс не ҳожат, бўлмаса муҳтожи дарс. 
Ҳурмат борасида:
Ҳурмат этган эр бўлур ҳурматли эр,
Кимки қанд бергай, ўшал лафзини ер. 
Жуфтлик – бирлик борасида:
Яхшидир жуфт эрса жуфтга ҳамсифат,
Барча ишлар ҳал бўлур бомаслаҳат.
Жуфтлар монанд эса, бўлгай самар, 
Жуфт-жуфт кавшу этикка сол назар. 
Бу жаҳонда неки бор, Ҳақ буйруғи;
Жуфт-жуфтдир, бир-бирининг ошиғи.
Ҳар не борким, жуфтини излар мудом,
Қаҳрабога талпинур барги сомон. 
Тун керак инсонга соғлом табъ учун,
Табъи солим йўқ эса, кундуз нечун? 
Аёллар борасида:
Эй басо, бордир хотинлар ҳамки чун,
Эл аро шармандадирлар нафс учун.
Эй биродар, ур ўзинг искирга сен,
Кам эрмас эр сидқи хотин сидқидин.
Сидқи хотин сидқидин кам эрса гар,
Ул кўнгил эрмас, қориндир, эй жигар... 
Осмон эрдир, замин чун хотини,
Ҳар не экса, ер етиштиргай уни. 

---

Ж
алолиддин
 Р
умий
 
асаРлаРида