Ызбекистон Республикаси Соли= тизими ва унинг шаклланиши

Тўғри солиқлар
Эгри солиқлар
1. Юридик шахслар фойдасидан (даромадидан) олинадиган солиқ 2. Жисмоний шахслар даромадидан олинадиган солиқ 3. Ер солиғи 4. Мол-мулк солиғи 5. Ер қаъридан фойдаланувчилар учун солиқлар ва махсус тўловлар 6. Сув ресурсларидан фойдаланганлик учун солиқ. 7.Ободонлаштириш ва Инфратузилмани ривожлантириш солиғи ва бошқ.	1. Қўшилган қиймат солиғи 2. Акциз солиғи 3. Жисмоний шахслардан транспорт воситаларига бензин, дизел ёқилғиси ва суюлтирилган газ ишлатганлик учун олинадиган солиқ 4. Божхона тўловлари ва бошқ.

Умуман олганда иқтисодиёт тармоқларидан ва аҳолининг меҳнатга лаёқатли қисмидан ундириладиган солиқларнинг аксарият қисми умумийлик хусусиятига эгадир. Лекин айрим солиқлар ва тўловлар ҳам мавжудки, улар мақсадли характерга эгадир. Шу нуқтаи назардан олиб қаралганда солиқлар, улардан фойдаланиш хусусиятига кўра ҳам икки гуруҳга бўлинади:
1. Умумий солиқлар республика ҳамда маҳаллий бюджетларга тушади ва қайта тақсимланади;
2. Мақсадли солиқлар-бевосита бирор бир соҳа, тармоқ ёки объектни ривожлантириш учун сарфланади ва тақсимланади.
Умумдавлат солиғи ҳамда маҳаллий солиқ ва йиғимлар. Республикамизда асосан солиқлар бюджет тизими даромадларини шакллантиради. Давлат бюджети тизими мамлакатнинг ижтимоий, иқтисодий, сиёсий ва маънавий ҳаётини молиявий маблағ билан таъминлайди ва бу Ўзбекистон Республикасининг бюджет тизимида умумреспублика бюджети етакчи бўғиндир. У умумдавлат ресурсларининг бир қисми бевосита давлат ҳокимиятининг ижро этувчи ва фармойиш берувчи олий органи - Ўзбекистон Республикаси ҳукуматида марказлашувини таъминлайди. Марказлашган ресурслар умумдавлат аҳамиятига молик бўлган, умуман олганда жамият манфаатларини ифодалайдиган тадбирларни (халқ хўжалиги аҳамиятидаги қурилишларни, энг муҳим ижтимоий тадбирларни, мудофаа, бошқарув, давлатнинг ташқи иқтисодий алоқалари, давлатнинг моддий ва молиявий заҳираларини) маблағ билан таъминлашга ишлатилади. Умумреспублика бюджети орқали миллий даромадни Қорақалпоғистон Республикаси, вилоятлар, Тошкент шаҳрига тақсимлаш ва қайта тақсимлаш жараёни изга солиб турилади. Давлат умумреспублика бюджетидан давлат бюджетининг бу бўғини ижроси юзасидан республикадаги ҳамма ишларни мувофиқлаштириш учун фойдаланади.